ಆಮ್ಚೆಂ ಪಿಕ್ನಿಕ್
ನವ್ಯಾ ವರ್ಸಾಚೆಂ ಯೆಣೆಂ ಸಂಸಾರಾರ್ಚ್ಚ್ ಸಂತೊಸಾಚೆಂ, ಉಲ್ಲಾಸಾಚೆಂ ವಾತಾವರಣ್ ರೂಪಿತ್ ಕರ್ತಾ ತರ್, ಆಮ್ಕಾಂ ಲೊರೆತ್ ಮಾಯೆಚ್ಯಾ ಫಿರ್ಗಜ್ಗಾರಾಂಕ್ ನವ್ಯಾ ವರ್ಸಾಚೊ ಪಯ್ಲೊ ದೀಸ್ ಏಕ್ ಎಕ್ವೊಟಾಚೊ ಸಂತೊಸಾಚೊ ಉಲ್ಲಾಸಾಚೊ ಆನಿ ಭಾವ್ ಬಾಂದಾವ್ಪಣಾಚೊ ದೀಸ್ ಜಾಂವ್ಕ್ ಪಾವ್ಲೊ.
ಮಂಗ್ಳುರ್ ದಿಯೆಸೆಜಿನ್ ಆಯೋಜಿತ್ ಕೆಲ್ಲ್ಯಾ ಮೆಗಾ ಬೈಬಲ್ ಪ್ರದರ್ಶನಾಕ್ ಭೆಟ್ ದೀಂವ್ಕ್ ಅತ್ರೆಗಾನ್ ಆಸ್ಚ್ಯಾ ಫಿರ್ಗಜ್ ಕುಟ್ಮಾಚ್ಯಾ ಸಾಂದ್ಯಾಂಕ್ ಸಾಂಗಾತಾ ಆಪೊವ್ನ್ ವರ್ಚೆಂ ಏಕ್ ಕಾರ್ಯಕ್ರಮ್ ಆಮ್ಚಾ ವಿಗಾರಾನಿ ಮಾಂಡುನ್ ಹಾಡ್ಲ್ಲೆಂ. ಬೈಬಲ್ ಪ್ರದರ್ಶನ್ ಪಳೊಂವ್ಚಾ ಸವೆಂ ಥೊಡ್ಯಾ ಪವಿತ್ರ್ ಜಾಗ್ಯಾಂಕ್ ಭೆಟ್ ತಶೆಂ ದೊನ್ಪರಾಂ ಉಪ್ರಾಂತ್ ಮನೋರಂಜನಾ ಖಾತಿರ್ ದರ್ಯಾ ತಡಿಕ್ ಆಪೊವ್ನ್ ವರ್ಚಿ ಮಾಂಡಾವಳ್ಯೀ ತಾಣಿಂ ಕೆಲ್ಲಿ.
೨೦೧೦ ಜನವರಿಚ್ಯಾ ಏಕ್ ತಾರಿಕೆರ್ ಸಕಾಳಿಂಚ್ಯಾ ಮಿಸಾ ನಂತರ್ ನೋವ್ ವೊರಾಂಚೆರ್ ಹಾಜಾರ್ ಆಸ್ಲ್ಲ್ಯಾ ಸುಮಾರ್ ೨೦೦ ಜಣಾಂಕ್ ಘೆವ್ನ್ ತೀನ್ ವ್ಹಡ್ ಬಸ್ಸಾನಿಂ ತಶೆಂ ಏಕ್ ಮಿನಿ ಬಸ್ಸಾರ್ ಆಮಿಂ ಪಯ್ಣ್ ಸುರು ಕೆಲೆಂ. ೧೦.೧೫ ವೊರಾಂಚೆರ್ ಮಿಲಾರ್ ಇಗರ್ಜೆ ವಠಾರಾಕ್ ಪಾವ್ಲ್ಲ್ಯಾ ಆಮಿಂ ಥಂಯ್ಸರ್ ಕಾಫಿ ಫಳಾರ್ ಸಂಪೊವ್ನ್ ಮಿಲಾರ್ ಇಗರ್ಜೆಂತ್ ಆಸಾ ಕೆಲ್ಲೊ ಆಕರ್ಷಿತ್ ಗರ್ದನಾಚೊ ಗೊಟೊ ಪಳೊವ್ನ್ ಮುಕ್ಲ್ಯಾ ವಠಾರಾಂತ್ ಆಸ್ಚಾ ಬೈಬಲ್ ಪ್ರದರ್ಶನಾಚ್ಯಾ ಥಳಾಕ್ ಪಾವ್ಲ್ಯಾಂವ್. ಥಂಯ್ಸರ್ ಪವಿತ್ರ್ ಪುಸ್ತಕ್ ಆಧಾರಿತ್ ವಿವಿಧ್ ಸಾಕ್ಷ್ಯಾ ಚಿತ್ರಾಂಚೆಂ ವೀಕ್ಷಣಾ ಸವೆಂ ವಿಕ್ರ್ಯೊ ಆಸ್ಲ್ಲ್ಯೊ ಧಾರ್ಮಿಕ್ ವಸ್ತು ಮೊಲಾಕ್ ಘೆವ್ನ್ ಕಾರ್ಮೆಲಿತ್ ಪಾದ್ರ್ಯಾಬಾನಿ ಮಾಂಡುನ್ ಹಾಡ್ಲ್ಲೆಂ ಜೆಜುನ್ ಕೆಲ್ಲ್ಯಾ ಆಜಾಪಾ ಸಂಬಂಧಿ ಏಕ್ ಬೊಂಬ್ಯಾ ಪ್ರದರ್ಶನ್ ಅಮಿಂ ಪಳೈಲೆ. ಉಪ್ರಾಂತ್ ಥಂಯ್ ಥಾವ್ನ್ sಸಾಡೆ ಬಾರಾ ವೊರಾಂಚೆರ್ ರುಜಾಯ್ ಕಥೆದ್ರಾಲಾಚಿ ಆಮಿ ವಾಟ್ ದರ್ಲಿ.
ಆಮ್ಚಾ ವಿಗಾರಾಂ ಸಂಗಿ ರುಜಾಯ್ ಕಥೆದ್ರಾಲಾಂತ್ ಮಾಗ್ಣೆಂ ಕರುನ್ ಥಂಯ್ಚೊ ವಿಗಾರಾಂಚೊ ಸಂದೇಶ್ ತಶೆಂ ಆಶೀರ್ವಾದ್ ಆಮಿ ಘೆತ್ಲೆಂ. ಕಥೆದ್ರಾಲಾಚಿ ಸೊಭಾಯ್ ಭೋವ್ ಲಾಗ್ಸಿಲ್ಯಾನ್ ಪಳೊವ್ನ್ ಜಾತೆಚ್ಚ್ ಲಾಗ್ಸಾರ್ಚ್ಚ್ ಆಸ್ಲ್ಲ್ಯಾ ಅರ್ಸುಲಾಯ್ನ್ ಮೆಳಾಚ್ಯಾ ಧರ್ಮ್ ಭಯ್ಣಿಂಚ್ಯಾ ಕೊವೆಂತಾಕ್ ಆಮಿ ಪಾವ್ಲ್ಯಾಂವ್. ಆಮ್ಚೆಂ ಯೆಣೆಂ ತಾಂಕಾಂ ಕಳಿತ್ ಆಸ್ಲ್ಲ್ಯಾನ್ ಭೋವ್ ಸಂತೋಸಾನ್ ತಾಣಿಂ ಆಮ್ಕಾ ಸ್ವಾಗತ್ ಕೆಲೊ. ಪಯ್ಲೆಂಚ್ ಕೆಲ್ಲ್ಯಾ ಮಾಂಡಾವಳಿ ಪ್ರಮಾಣೆ ಡಿಲೈಟ್ ಕೆಟರಾರ್ಸನಿ ಥಂಯ್ಸರ್ ಜೆವ್ಣಾ ಸಾಲಾಂತ್ ಜೆವ್ಣಾಚಿ ಮಾಂಡಾವಳ್ ಕೆಲ್ಲಿ. ರುಚಿಕ್ ಜೆವಾಣ್ ಸರ್ವಾಂಕ್ ದಾದೊಶಿ ಜಾಲೆಂ.
ಅರ್ಸುಲಾಯ್ನ್ ಮೆಳಾಚ್ಯಾ ಧರ್ಮ್ ಭಯ್ಣಿನಿಂ ಚಲೊವ್ನ್ ವರ್ಚೆಂ ‘ನಿಂಪಾ ವೃದ್ಧಾಶ್ರಮ್’ ಲಾಗ್ಸಾರ್ಚ್ಚ್ ಆಸ್ಲ್ಲ್ಯಾನ್ ಸಭಾರಾನಿ ಥಂಯ್ಸರ್ ವಸ್ತಿ ಕರ್ಚಾ ಸಭಾರ್ ಪ್ರಾಯೆಸ್ತಾಂಚಿ ಭೆಟ್ ಕೆಲಿ. ಭುರ್ಗಿಂ ನಾತ್ಲ್ಲಿಂ ವ ಪಯ್ಸ್ ಪರ್ಗಾವಾಂತ್ ಆಸ್ಲ್ಲಿಂ ಪ್ರಾಯೆಸ್ತಾಂ, ಎಕ್ಸುರ್ಯಾಂಕ್ ಘರಾನಿಂ ಭದ್ರತಿ ನಾತ್ಲ್ಲ್ಯಾನ್ ಹಾಂಗಾಸಾರ್ ವಸ್ತಿ ಕರ್ತಾತ್ ಆನಿ ಹ್ಯಾ ಪರಿಸರಾಂತ್ ತಿಂ ಸಂತೊಸಾನ್ ಆಸಾತ್ ಮ್ಹಳ್ಳೆಂ ಆಮ್ಚಾ ಸಮ್ಜೊಣೆಕ್ ಆಯ್ಲೆಂ ಹಾಂಗಾಸರ್ ಥೊಡೊ ವೇಳ್ ಶ್ರೀ ಹಿಲಾರಿ ಲೋಬೊಚ್ಯಾ ಮುಖೆಲ್ಪಾಣಾರ್ ಥೊಡೆ ಖೆಳ್ ಖೆಳ್ತಚ್ಚ್ ಉರ್ವಾ ಇಗರ್ಜೆಚಿ ಆಮಿಂ ವಾಟ್ ದರ್ಲಿ.
ದೊನ್ಪಾರಾ ಉಪ್ರಾಂತ್ಲ್ಯಾ ೨.೪೦ ಕ್ ಉರ್ವಾ ಇಗರ್ಜೆಕ್ ಪಾವ್ಲ್ಲ್ಯಾ ಆಮಿಂ ಪೊಂಪೈ ಸಾಯ್ಬಿಣಿಚಾ ತ್ಯಾ ಪವಿತ್ರ್ ಜಾಗ್ಯಾರ್ ಧಾ ಮಿನಿಟಾಂ ಮಾಗ್ಣ್ಯಾಂತ್ ಖರ್ಚಿಲಿಂ. ಥಂಯ್ ಥಾವ್ನ್ ಆಮ್ಚೆಂ ಪಯ್ಣ್ ಆಯ್ಚಾ ದಿಸಾಚೊ ನಿಮಾಣೊ ಠಿಕಾಣೊ ಜಾವ್ನಾಸ್ಲ್ಲ್ಯಾ ತಣ್ಣೀರುಬಾವಿ ದರ್ಯತಡಿಕ್ ಜಾವ್ನಾಸ್ಲ್ಲೊ.
ತೀನ್ ವೊರಾಂಚೆರ್ ತಣ್ಣೀರುಬಾವಿ ಪಾತಿಮಾ ಸಾಯ್ಭಿಣಿಚ್ಯಾ ದೇವ್ ಮಂದಿರಾಕ್ ಆಮಿಂ ಪಾವ್ಲ್ಯಾಂವ್ ಥಂಯ್ಸರ್ ವಿಗಾರ್ ಆಮ್ಚಾ ವಳ್ಕಿಚೊಚ್ಚ್ ಜಾಲ್ಲ್ಯಾನ್ ತಾಣಿಂ ಆಮ್ಕಾಂ ಬರೊ ಸ್ವಾಗತ್ ಕೆಲೊ. ದೇವ್ ಮಂದಿರಾಚಿ ಭೆಟ್ ಜಾತೆಚ್ಚ್ ಉದ್ಕಾಂತ್ ದೆಂವ್ತೆಲ್ಯಾಂಕ್ ವಸ್ತುರ್ ಬದ್ಲುಂಕ್, ನಾಂವ್ಕ್ ಸರ್ವ್ ಅವ್ಕಾಸ್ ತಾಣೆಂ ಆಮ್ಕಾಂ ಖುಶೆನ್ ಕರುನ್ ದಿಲೆ. ಸಾಂಜೆಚೊ ಕಾಫಿ ಫಳಾರ್ ಥಂಯ್ಸರ್ ಘೆವ್ನ್ ಸಾಡೆ ತೀನ್ ವೊರಾಂಕ್ ಆಮಿಂ ದರ್ಯಾಚ್ಯಾ ಉದ್ಕಾಚಿ ವಾಟ್ ದರ್ಲಿ.
ಸರ್ವ್ ಸಾರ್ಕೆಂ ಆಸ್ಲ್ಲೆಂ. ದರ್ಯಾಚೆಂ ಉದಾಕ್ ಲ್ಹಾನ್ ಲ್ಹಾನ್ ಲಾರಾಂ ಸವೆಂ ಶಾಂತ್ ಆಸ್ಲ್ಲೆಂ. ಭುರ್ಗಿಂ ತಶೆಂ ವ್ಹಡಾಂನಿ ಹಾಂಗಾಸಾರ್ ದೇಡಾ ವೊರಾಂಚೊ ವೇಳ್ ಭೋವ್ ಆಪುರ್ಬಾಯೆನ್, ಸಂತೊಸಾನ್ ಖರ್ಚಿಲೊ. ಭುರ್ಗ್ಯಾಂಚೆರ್ ತಶೆಂ ತರ್ನಾಟ್ಯಾಂಚೆರ್ ನದರ್ ದವರುನ್ ವಿಗಾರ್ ತಶೆಂ ಉಪಾಧ್ಯಕ್ಷ್ ಉದ್ಕಾ ಮಧೆಗಾತ್ ಅಕೇರ್ ಪರ್ಯಾಂತ್ ಉಬೆ ಆಸ್ಲ್ಲೆ. ಸಾಂಜೆರ್ ೫.೩೦ ವೊರಾರ್ ಆಮಿಂ ಪಾಟಿಂ ಘರಾ ಪರ್ತಾಲ್ಯಾಂವ್. ಸಾತ್ ವೊರಾಂ ಭಿತರ್ ಆಮ್ಚಿಂ ವಾಹನಾಂ ಲೊರೆಟ್ಟೊ ಫಿರ್ಗಜೆಚ್ಯಾ ವಠಾರಾಕ್ ಪಾವ್ಲ್ಲಿಂ. ವಿಗಾರಾಂಕ್ ದೇವ್ ಬೊರೆಂ ಕರುಂ ಮ್ಹಣೊನ್ ಸರ್ವಾಂ ಆಮೊರೆಚ್ಯಾ ವೆಳಾರ್ ಬಿಡಾರಾಕ್ ಪಾವ್ಲ್ಲಿಂ.
ನವ್ಯಾ ವರ್ಸಾಚೆಂ ಯೆಣೆಂ ಸಂಸಾರಾರ್ಚ್ಚ್ ಸಂತೊಸಾಚೆಂ, ಉಲ್ಲಾಸಾಚೆಂ ವಾತಾವರಣ್ ರೂಪಿತ್ ಕರ್ತಾ ತರ್, ಆಮ್ಕಾಂ ಲೊರೆತ್ ಮಾಯೆಚ್ಯಾ ಫಿರ್ಗಜ್ಗಾರಾಂಕ್ ನವ್ಯಾ ವರ್ಸಾಚೊ ಪಯ್ಲೊ ದೀಸ್ ಏಕ್ ಎಕ್ವೊಟಾಚೊ ಸಂತೊಸಾಚೊ ಉಲ್ಲಾಸಾಚೊ ಆನಿ ಭಾವ್ ಬಾಂದಾವ್ಪಣಾಚೊ ದೀಸ್ ಜಾಂವ್ಕ್ ಪಾವ್ಲೊ. ಮಂಗ್ಳುರ್ ದಿಯೆಸೆಜಿನ್ ಆಯೋಜಿತ್ ಕೆಲ್ಲ್ಯಾ ಮೆಗಾ ಬೈಬಲ್ ಪ್ರದರ್ಶನಾಕ್ ಭೆಟ್ ದೀಂವ್ಕ್ ಅತ್ರೆಗಾನ್ ಆಸ್ಚ್ಯಾ ಫಿರ್ಗಜ್ ಕುಟ್ಮಾಚ್ಯಾ ಸಾಂದ್ಯಾಂಕ್ ಸಾಂಗಾತಾ ಆಪೊವ್ನ್ ವರ್ಚೆಂ ಏಕ್ ಕಾರ್ಯಕ್ರಮ್ ಆಮ್ಚಾ ವಿಗಾರಾನಿ ಮಾಂಡುನ್ ಹಾಡ್ಲ್ಲೆಂ. ಬೈಬಲ್ ಪ್ರದರ್ಶನ್ ಪಳೊಂವ್ಚಾ ಸವೆಂ ಥೊಡ್ಯಾ ಪವಿತ್ರ್ ಜಾಗ್ಯಾಂಕ್ ಭೆಟ್ ತಶೆಂ ದೊನ್ಪರಾಂ ಉಪ್ರಾಂತ್ ಮನೋರಂಜನಾ ಖಾತಿರ್ ದರ್ಯಾ ತಡಿಕ್ ಆಪೊವ್ನ್ ವರ್ಚಿ ಮಾಂಡಾವಳ್ಯೀ ತಾಣಿಂ ಕೆಲ್ಲಿ. ೨೦೧೦ ಜನವರಿಚ್ಯಾ ಏಕ್ ತಾರಿಕೆರ್ ಸಕಾಳಿಂಚ್ಯಾ ಮಿಸಾ ನಂತರ್ ನೋವ್ ವೊರಾಂಚೆರ್ ಹಾಜಾರ್ ಆಸ್ಲ್ಲ್ಯಾ ಸುಮಾರ್ ೨೦೦ ಜಣಾಂಕ್ ಘೆವ್ನ್ ತೀನ್ ವ್ಹಡ್ ಬಸ್ಸಾನಿಂ ತಶೆಂ ಏಕ್ ಮಿನಿ ಬಸ್ಸಾರ್ ಆಮಿಂ ಪಯ್ಣ್ ಸುರು ಕೆಲೆಂ. ೧೦.೧೫ ವೊರಾಂಚೆರ್ ಮಿಲಾರ್ ಇಗರ್ಜೆ ವಠಾರಾಕ್ ಪಾವ್ಲ್ಲ್ಯಾ ಆಮಿಂ ಥಂಯ್ಸರ್ ಕಾಫಿ ಫಳಾರ್ ಸಂಪೊವ್ನ್ ಮಿಲಾರ್ ಇಗರ್ಜೆಂತ್ ಆಸಾ ಕೆಲ್ಲೊ ಆಕರ್ಷಿತ್ ಗರ್ದನಾಚೊ ಗೊಟೊ ಪಳೊವ್ನ್ ಮುಕ್ಲ್ಯಾ ವಠಾರಾಂತ್ ಆಸ್ಚಾ ಬೈಬಲ್ ಪ್ರದರ್ಶನಾಚ್ಯಾ ಥಳಾಕ್ ಪಾವ್ಲ್ಯಾಂವ್. ಥಂಯ್ಸರ್ ಪವಿತ್ರ್ ಪುಸ್ತಕ್ ಆಧಾರಿತ್ ವಿವಿಧ್ ಸಾಕ್ಷ್ಯಾ ಚಿತ್ರಾಂಚೆಂ ವೀಕ್ಷಣಾ ಸವೆಂ ವಿಕ್ರ್ಯೊ ಆಸ್ಲ್ಲ್ಯೊ ಧಾರ್ಮಿಕ್ ವಸ್ತು ಮೊಲಾಕ್ ಘೆವ್ನ್ ಕಾರ್ಮೆಲಿತ್ ಪಾದ್ರ್ಯಾಬಾನಿ ಮಾಂಡುನ್ ಹಾಡ್ಲ್ಲೆಂ ಜೆಜುನ್ ಕೆಲ್ಲ್ಯಾ ಆಜಾಪಾ ಸಂಬಂಧಿ ಏಕ್ ಬೊಂಬ್ಯಾ ಪ್ರದರ್ಶನ್ (ಠಿuಠಿಠಿeಣ shoತಿ) ಅಮಿಂ ಪಳೈಲೆ. ಉಪ್ರಾಂತ್ ಥಂಯ್ ಥಾವ್ನ್ sಸಾಡೆ ಬಾರಾ ವೊರಾಂಚೆರ್ ರುಜಾಯ್ ಕಥೆದ್ರಾಲಾಚಿ ಆಮಿ ವಾಟ್ ದರ್ಲಿ. ಆಮ್ಚಾ ವಿಗಾರಾಂ ಸಂಗಿ ರುಜಾಯ್ ಕಥೆದ್ರಾಲಾಂತ್ ಮಾಗ್ಣೆಂ ಕರುನ್ ಥಂಯ್ಚೊ ವಿಗಾರಾಂಚೊ ಸಂದೇಶ್ ತಶೆಂ ಆಶೀರ್ವಾದ್ ಆಮಿ ಘೆತ್ಲೆಂ. ಕಥೆದ್ರಾಲಾಚಿ ಸೊಭಾಯ್ ಭೋವ್ ಲಾಗ್ಸಿಲ್ಯಾನ್ ಪಳೊವ್ನ್ ಜಾತೆಚ್ಚ್ ಲಾಗ್ಸಾರ್ಚ್ಚ್ ಆಸ್ಲ್ಲ್ಯಾ ಅರ್ಸುಲಾಯ್ನ್ ಮೆಳಾಚ್ಯಾ ಧರ್ಮ್ ಭಯ್ಣಿಂಚ್ಯಾ ಕೊವೆಂತಾಕ್ ಆಮಿ ಪಾವ್ಲ್ಯಾಂವ್. ಆಮ್ಚೆಂ ಯೆಣೆಂ ತಾಂಕಾಂ ಕಳಿತ್ ಆಸ್ಲ್ಲ್ಯಾನ್ ಭೋವ್ ಸಂತೋಸಾನ್ ತಾಣಿಂ ಆಮ್ಕಾ ಸ್ವಾಗತ್ ಕೆಲೊ. ಪಯ್ಲೆಂಚ್ ಕೆಲ್ಲ್ಯಾ ಮಾಂಡಾವಳಿ ಪ್ರಮಾಣೆ ಡಿಲೈಟ್ ಕೆಟರಾರ್ಸನಿ ಥಂಯ್ಸರ್ ಜೆವ್ಣಾ ಸಾಲಾಂತ್ ಜೆವ್ಣಾಚಿ ಮಾಂಡಾವಳ್ ಕೆಲ್ಲಿ. ರುಚಿಕ್ ಜೆವಾಣ್ ಸರ್ವಾಂಕ್ ದಾದೊಶಿ ಜಾಲೆಂ. ಅರ್ಸುಲಾಯ್ನ್ ಮೆಳಾಚ್ಯಾ ಧರ್ಮ್ ಭಯ್ಣಿನಿಂ ಚಲೊವ್ನ್ ವರ್ಚೆಂ ‘ನಿಂಪಾ ವೃದ್ಧಾಶ್ರಮ್’ ಲಾಗ್ಸಾರ್ಚ್ಚ್ ಆಸ್ಲ್ಲ್ಯಾನ್ ಸಭಾರಾನಿ ಥಂಯ್ಸರ್ ವಸ್ತಿ ಕರ್ಚಾ ಸಭಾರ್ ಪ್ರಾಯೆಸ್ತಾಂಚಿ ಭೆಟ್ ಕೆಲಿ. ಭುರ್ಗಿಂ ನಾತ್ಲ್ಲಿಂ ವ ಪಯ್ಸ್ ಪರ್ಗಾವಾಂತ್ ಆಸ್ಲ್ಲಿಂ ಪ್ರಾಯೆಸ್ತಾಂ, ಎಕ್ಸುರ್ಯಾಂಕ್ ಘರಾನಿಂ ಭದ್ರತಿ ನಾತ್ಲ್ಲ್ಯಾನ್ ಹಾಂಗಾಸಾರ್ ವಸ್ತಿ ಕರ್ತಾತ್ ಆನಿ ಹ್ಯಾ ಪರಿಸರಾಂತ್ ತಿಂ ಸಂತೊಸಾನ್ ಆಸಾತ್ ಮ್ಹಳ್ಳೆಂ ಆಮ್ಚಾ ಸಮ್ಜೊಣೆಕ್ ಆಯ್ಲೆಂ ಹಾಂಗಾಸರ್ ಥೊಡೊ ವೇಳ್ ಶ್ರೀ ಹಿಲಾರಿ ಲೋಬೊಚ್ಯಾ ಮುಖೆಲ್ಪಾಣಾರ್ ಥೊಡೆ ಖೆಳ್ ಖೆಳ್ತಚ್ಚ್ ಉರ್ವಾ ಇಗರ್ಜೆಚಿ ಆಮಿಂ ವಾಟ್ ದರ್ಲಿ. ದೊನ್ಪಾರಾ ಉಪ್ರಾಂತ್ಲ್ಯಾ ೨.೪೦ ಕ್ ಉರ್ವಾ ಇಗರ್ಜೆಕ್ ಪಾವ್ಲ್ಲ್ಯಾ ಆಮಿಂ ಪೊಂಪೈ ಸಾಯ್ಬಿಣಿಚಾ ತ್ಯಾ ಪವಿತ್ರ್ ಜಾಗ್ಯಾರ್ ಧಾ ಮಿನಿಟಾಂ ಮಾಗ್ಣ್ಯಾಂತ್ ಖರ್ಚಿಲಿಂ. ಥಂಯ್ ಥಾವ್ನ್ ಆಮ್ಚೆಂ ಪಯ್ಣ್ ಆಯ್ಚಾ ದಿಸಾಚೊ ನಿಮಾಣೊ ಠಿಕಾಣೊ ಜಾವ್ನಾಸ್ಲ್ಲ್ಯಾ ತಣ್ಣೀರುಬಾವಿ ದರ್ಯತಡಿಕ್ ಜಾವ್ನಾಸ್ಲ್ಲೊ. ತೀನ್ ವೊರಾಂಚೆರ್ ತಣ್ಣೀರುಬಾವಿ ಪಾತಿಮಾ ಸಾಯ್ಭಿಣಿಚ್ಯಾ ದೇವ್ ಮಂದಿರಾಕ್ ಆಮಿಂ ಪಾವ್ಲ್ಯಾಂವ್ ಥಂಯ್ಸರ್ ವಿಗಾರ್ ಆಮ್ಚಾ ವಳ್ಕಿಚೊಚ್ಚ್ ಜಾಲ್ಲ್ಯಾನ್ ತಾಣಿಂ ಆಮ್ಕಾಂ ಬರೊ ಸ್ವಾಗತ್ ಕೆಲೊ. ದೇವ್ ಮಂದಿರಾಚಿ ಭೆಟ್ ಜಾತೆಚ್ಚ್ ಉದ್ಕಾಂತ್ ದೆಂವ್ತೆಲ್ಯಾಂಕ್ ವಸ್ತುರ್ ಬದ್ಲುಂಕ್, ನಾಂವ್ಕ್ ಸರ್ವ್ ಅವ್ಕಾಸ್ ತಾಣೆಂ ಆಮ್ಕಾಂ ಖುಶೆನ್ ಕರುನ್ ದಿಲೆ. ಸಾಂಜೆಚೊ ಕಾಫಿ ಫಳಾರ್ ಥಂಯ್ಸರ್ ಘೆವ್ನ್ ಸಾಡೆ ತೀನ್ ವೊರಾಂಕ್ ಆಮಿಂ ದರ್ಯಾಚ್ಯಾ ಉದ್ಕಾಚಿ ವಾಟ್ ದರ್ಲಿ. ಸರ್ವ್ ಸಾರ್ಕೆಂ ಆಸ್ಲ್ಲೆಂ. ದರ್ಯಾಚೆಂ ಉದಾಕ್ ಲ್ಹಾನ್ ಲ್ಹಾನ್ ಲಾರಾಂ ಸವೆಂ ಶಾಂತ್ ಆಸ್ಲ್ಲೆಂ. ಭುರ್ಗಿಂ ತಶೆಂ ವ್ಹಡಾಂನಿ ಹಾಂಗಾಸಾರ್ ದೇಡಾ ವೊರಾಂಚೊ ವೇಳ್ ಭೋವ್ ಆಪುರ್ಬಾಯೆನ್, ಸಂತೊಸಾನ್ ಖರ್ಚಿಲೊ. ಭುರ್ಗ್ಯಾಂಚೆರ್ ತಶೆಂ ತರ್ನಾಟ್ಯಾಂಚೆರ್ ನದರ್ ದವರುನ್ ವಿಗಾರ್ ತಶೆಂ ಉಪಾಧ್ಯಕ್ಷ್ ಉದ್ಕಾ ಮಧೆಗಾತ್ ಅಕೇರ್ ಪರ್ಯಾಂತ್ ಉಬೆ ಆಸ್ಲ್ಲೆ. ಸಾಂಜೆರ್ ೫.೩೦ ವೊರಾರ್ ಆಮಿಂ ಪಾಟಿಂ ಘರಾ ಪರ್ತಾಲ್ಯಾಂವ್. ಸಾತ್ ವೊರಾಂ ಭಿತರ್ ಆಮ್ಚಿಂ ವಾಹನಾಂ ಲೊರೆಟ್ಟೊ ಫಿರ್ಗಜೆಚ್ಯಾ ವಠಾರಾಕ್ ಪಾವ್ಲ್ಲಿಂ. ವಿಗಾರಾಂಕ್ ದೇವ್ ಬೊರೆಂ ಕರುಂ ಮ್ಹಣೊನ್ ಸರ್ವಾಂ ಆಮೊರೆಚ್ಯಾ ವೆಳಾರ್ ಬಿಡಾರಾಕ್ ಪಾವ್ಲ್ಲಿಂ.
Popularity: 7% [?]
