ಕ್ರೀಸ್ತಿ ಶಿಕ್ಷಣಾಚೆಂ ಉಗ್ತಾವಣ್
2010 ಜೂನ್ 13 ತಾರಿಕೆರ್ ಆಯ್ತಾರಾ ಸಕಾಳಿಂ 9.30 ವೊರಾರ್ “ಕ್ರೀಸ್ತಿ ಶಿಕ್ಷಣ್ 2010-11”ವ್ಯಾ ವರ್ಸಾಚೆಂ ಉಗ್ತಾವಣ್ ಕಾರ್ಯೆಂ ಪ್ರವೇಶ್ ಗೀತ್ ‘ಸದಾಂನಿತ್ ಸೊಮ್ಯಾ’ ಮ್ಹಳ್ಳ್ಯಾ ಗೀತಾ ದ್ವಾರಿಂ ಆರಂಭ್ ಕೆಲೆಂ. ವಿಗಾರ್ ಬಾಪ್ ಸಿಪ್ರಿಯನ್ ಪಿಂಟೊ ತಶೆಂ ಕ್ರೀಸ್ತಿ ಶಿಕ್ಷಣ್ ಶಿಕೊಂವ್ಚಿಂ ಸರ್ವ್ ಶಿಕ್ಷಕಾಂ ಸಂಗಿ ಪವಿತ್ರ್ ಆತ್ಮ್ಯಾಚೆಂ ಗೀತ್ ಗಾವ್ನ್ ದಿವೊ ಪೆಟವ್ನ್ ಉಗ್ತಾವಣ್ ಕೆಲೆಂ.
ಉಪ್ರಾಂತ್ ಸಾಂ ಪೆದ್ರುಚೆಂ ಪತ್ರ್ ೧:೧೩-೧೬ ಪರ್ಯಾಂತ್ ವಾಚಪ್ ಶ್ರೀಮತಿ ಲೀನಾ ಗೊನ್ಸಾಲ್ವಿಸ್ ಹಿಣೆಂ ವಾಚುನ್ ಶ್ರೀಮತಿ ಸ್ವಾತಿ ಕಾರ್ಲೊನ್ ವಾಚ್ಪಾಕ್ ಸರಿ ಜಾವ್ನ್ ಪವಿತ್ರ್ ಆತ್ಮ್ಯಾಚೆಂ ದೆಣೆಂ ಶಿಕ್ಷಕಾಂ, ಭುರ್ಗ್ಯಾಂಕ್ ತಶೆಂ ಭುರ್ಗ್ಯಾಂಚ್ಯಾ ವ್ಹಡಿಲಾಂಚೆರ್ ಮಾಗುನ್ ನಿಯಾಳ್ ಕೆಲೊ. ಸಿ! ಲೀನಾಚ್ಯಾ ಮಾರ್ಗದರ್ಶನಖಾಲ್ ಧಾವ್ಯಾ ವರ್ಗಾಚ್ಯಾ ಭುರ್ಗ್ಯಾಂನಿ ಭಾವಾರ್ತ್ಯಾಚಿಂ ಪ್ರಾರ್ಥನಾಂ ಭೆಟಯ್ಲಿಂ. ತ್ಯಾ ನಂತರ್ ವಿಗಾರ್ ಬಾಪಾಂನಿ ಸರ್ವ್ ಶಿಕ್ಷಕಾಚಿಂ ವಳಕ್ ಕರ್ನ್ ದೀವ್ನ್ ಹೆ ಪರಿಂ ವರ್ಗ್ ವಾಂಟುನ್ ದಿಲೆ.
ಪಯ್ಲೊ ವರ್ಗ್ : ಶ್ರೀಮತಿ ಸೆಲಿನ್ ಡಿ’ಸಿಲ್ವ
ದುಸ್ರೊ ವರ್ಗ್ : ಶ್ರೀಮತಿ ಲೀನಾ ಗೊನ್ಸಾಲ್ವಿಸ್
ತಿಸ್ರೊ ವರ್ಗ್ : ಸಿ! ಲೀನಾ ಪಿರೇರಾ/ ಶ್ರೀಮತಿ ಮರೀನಾ ತಾವ್ರೊ
ಚವ್ತೊ ವರ್ಗ್ : ಶ್ರೀಮತಿ ಲವೀನಾ ಡಿ’ಸೋಜ ಆನಿ ಕು! ಪ್ರೆಸಿಲ್ಲಾ ಪಿಂಟೊ
ಪಾಂಚ್ವೊ ವರ್ಗ್: ಸಿ! ಹೆಲೆನ್ ಪಾಯ್ಸ್/ ಶ್ರೀಮತಿ ಲೀನಾ ಪಿಂಟೊ
ಸವೊ ವರ್ಗ್ : ಶ್ರೀಮತಿ ಜುಲಿಯಾನಾ ಗೋಮ್ಸ್
ಸಾತ್ವೊ ವರ್ಗ್ : ಶ್ರೀಮತಿ ಐರಿನ್ ಕಾರ್ಲೊ/ ಶ್ರೀಮತಿ ವೈಲೆಟ್ ರೊಡ್ರಿಗಸ್
ಆಟ್ವೊ ವರ್ಗ್ : ಶ್ರೀಮತಿ ವಿನೀತಾ ಡಿ’ಸೋಜ
ನವೊ ವರ್ಗ್ ಸಿ! ಗೇಬ್ರಿಯಲ್
ಧಾವೊ ವರ್ಗ್ : ಸಿ! ಪ್ರೀಮಾ
10:30 ವೊರಾರ್ ಮಿಸಾಚೆಂ ಬಲಿದಾನ್ ಆರಂಭ್ ಕರ್ನ್ “ಕ್ರೀಸ್ತಿ ಶಿಕ್ಷಣ್’ ಕಿತ್ಲ್ಯಾ ಮಹತ್ವಚೆಂ ಹಾಂತು ವ್ಹಡಿಲಾಂಚೊ ಪಾತ್ರ್ ಕಸೊ ಆಸೊಂಕ್ ಜಾಯ್, ಕ್ರೀಸ್ತಿ ಮೌಲ್ಯಂನಿ ಬರೆಂ ಜೀವನ್ ಕಶೆಂ ರೂಪಿತ್ ಕರ್ಯೆತ್ ಮ್ಹಳ್ಳೆಂ” ವಿಶಿಂ ಪ್ರಸಂಗ್ ದಿಲೊ. ಸರ್ವ್ ಭುರ್ಗ್ಯಾಂನಿ ತಶೆಂ ಶಿಕ್ಷಕಾನಿಂ ಕ್ರೀಸ್ತಿ ಶಿಕ್ಷಣಾಂತ್ ಉರ್ಬೆಸ್ತ್ ಜಾವ್ನ್ ಪಾತ್ರ್ ಘೆಜಾಯ್ ಮ್ಹಣ್ ಉಲೊ ದಿಲೊ. ಮಿಸಾಚ್ಯಾ ಬಲಿದಾನಾಂತ್ ಪ್ರತ್ಯೇಕ್ ಥರಾನ್ ಭುರ್ಗ್ಯಾಂ ತಶೆಂ ಶಿಕ್ಷಕಾಂ ಖಾತಿರ್ ಮಾಗ್ಲೆಂ. ಉಪ್ರಾಂತ್ ಲೊರೆತ್ ಮಾಯೆಚ್ಯಾ ನೊವೆನ್ ಆನಿ ಗೀತಾ ಸವೆಂ ಕಾರ್ಯಕ್ರಮ್ ಸಂಪ್ಲೆಂ. ಹ್ಯಾ ಕಾರ್ಯಕ್ರಮಾಕ್ ಭುರ್ಗ್ಯಾಂಚಿಂ ವ್ಹಡಿಲಾಂಯ್ ಹಾಜರ್ ಆಸ್ಲ್ಲಿಂ. ಹಾಚೆಂ ಕಾರ್ಯನಿರ್ವಾಹಣ್ ಶ್ರೀಮತಿ ಐರಿನ್ ಕಾರ್ಲೊನ್ ಚಲೊನ್ ವೆಲೆಂ.
ಸ್ವಾತಿ ಕಾರ್ಲೊ
ಸಂಯೋಜಕಿ, ಕ್ರೀಸ್ತಿ ಶಿಕ್ಷಣ್, ಲೊರೆಟ್ಟೊ
Popularity: 2% [?]
