ಮ್ಯೂರಲ್ ತಾವ್ರೊಕ್ ಸನ್ಮಾನ್
2009-10ವರ್ಸಾಚ್ಯಾ ದ್ವಿತೀಯ್ ಪಿ.ಯು.ಸಿ. ವಿಜ್ಞಾನ್ ವಿಭಾಗಾಂತ್ ೫೭೩ ಮ್ಹಳ್ಯಾರ್ ೯೫.೫% ಅಂಕ್ ಗಳ್ಸುನ್ ಎಸ್.ವಿ.ಎಸ್ ಕಾಲೇಜಿಂತ್ ಪ್ರಥಮ್ ಸ್ಥಾನ್ ಆಪ್ಣಾಯಿಲ್ಲ್ಯಾ ಕು! ಮ್ಯೂರಲ್ ರೂಫಲ್ ತಾವ್ರೊ ಹಾಕಾ ಕಥೊಲಿಕ್ ಸಭಾ, ಲೊರೆಟ್ಟೊ ಘಟಕಾಚ್ಯಾ ತರ್ಫೆನ್ ೧೧.೦೭.೨೦೧೦ವ್ಯಾ ಆಯ್ತಾರಾ ದೊನೀ ಮಿಸಾಂ ಉಪ್ರಾಂತ್ ಸನ್ಮಾನ್ ಕೆಲೊ. ಹೆಂ ಮಾನೆಸ್ತ್ ಲೊರೆನ್ಸ್ ತಾವ್ರೊ ಅನಿ ಮನೆಸ್ತಿಣ್ ಮರೀನಾ ತಾವ್ರೊ ಹಾಂಚಿ ಧುವ್.
ಫಿರ್ಗಜ್ ವಿಗಾರ್ ಮಾ. ಸಿಪ್ರಿಯನ್ ಪಿಂಟೊನ್ ಮ್ಯೂರೆಲ್ ಹರ್ಯೇಕಾ ಸಕಾಳಿಂಚೆಂ ಮಿಸಾಕ್ ಹಾಜರ್ ಜಾತಾ. ಇಗರ್ಜೆಚಾ ಸರ್ವ್ ಕಾರ್ಯಾಂನಿ ಪಾತ್ರ್ ಘೆತಾ. ತಾಚೆಂ ಭಕ್ತಿಪಣ್ ಸಾಧನ್ ಹೆರಾಂಕ್ ಪ್ರೇರಣ್ ಜಾಂವ್ದಿ ಮ್ಹಣ್ ಸಂದೇಶ್ ದಿಲೊ. ಹಾಚ್ಯಾ ಜಯ್ತಾಚೊ ಘುಟ್ “ಕಠೀಣ್ ಪರಿಶ್ರಮ್, ದಿಸ್ಪಡ್ತೆಂ ವ್ಯವಸ್ಥಿತ್ ಅಭ್ಯಾಸ್, ವ್ಹಡಿಲಾಂಚೊ ಪ್ರೆತ್ಸಾವ್, ಶಿಕ್ಷಕಾಂಚೆಂ ಉತ್ತೇಜನ್ ತಾಚಾಕೀ ವರ್ತೆಂ ಮಾಗ್ಣೆಂ ಆನಿ ಸರ್ವಾಂಚೆಂ ಬೆಸಾಂವ್” ಮ್ಹಣೊನ್ ಆಪ್ಲಿಂ ಭೊಗ್ಣಾಂ ತಾಣೆಂ ಉಚಾರ್ಲಿಂ. “ಕಂಪ್ಯೂಟರ್ ಇಂಜಿನಿಯರ್ ಜಾಂವ್ಚಿ ತಾಚಿ ಆಶಾ ಜ್ಯಾರಿ ಜಾಂವ್ದಿ, ಆನಿ ವ್ಹಡ್ ಸಂಶೋಧನ್ ಕರ್ನ್, ಗಾಂವ್ಚಿ ತಶೆಂ ದೇಶಾಚಿ ಕೀರ್ತ್ ಗಾಜಂವ್ಕ್ ದೇವ್ ತಾಕಾ ಫಾವೊ ಕರುಂದಿ” ಮ್ಹಣ್ ಕಥೊಲಿಕ್ ಸಭೆಚೊ ಅಧ್ಯಕ್ಸ್ ಮಾನೇಸ್ತ್ ಸಿಪ್ರಿಯನ್ ಡಿ’ಸೋಜನ್ ಅಭಿನಂದನ್ ಪಾಟೈಲೆ.
ವಿಗಾರ್ ಬಾಪಾನಿಂ ಶಾಲ್ ಪಾಂಗ್ರುನ್ ಸನ್ಮಾನ್ ಕೆಲೊ. ಫಿರ್ಗಜ್ ಗೊವ್ಳಿಕ್ ಪರಿಷದಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜ್ಯೋ ಕುವೆಲ್ಲೊನ್ ಆನಿ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಶ್ರೀ ಸಿಪ್ರಿಯನ್ ಡಿ’ಸೋಜಾನ್, ಕಥೊಲಿಕ್ ಸಭೆ ತರ್ಫೆನ್ ರೂ.3,000/- ಕಾಣಿಕ್ ಜಾವ್ನ್ ಅರ್ಪಿಲಿ. ಹಾಜರ್ ಆಸ್ಲ್ಲ್ಯಾ ಸುಮಾರ್ ೮೦೦ ಲೊಕಾನ್ ಸಂತೊಸಾನ್, ಅಭಿಮಾನಾನ್ ಮ್ಯೂರೆಲಾಕ್ ಬೊರೆಂ ಮಾಗ್ಲೆಂ. ಭುರ್ಗ್ಯಾಂಚಾ ಮಿಸಾಚಾ ಪಯ್ಲೆಂ ಮ್ಯೂರೆಲಾಕ್ ದುಸ್ರೆ ಪಾವ್ಟಿಂ ಸನ್ಮಾನ್ ಕರ್ನ್ ಸಕ್ಕಡ್ ಭುರ್ಗ್ಯಾಂನಿ ತಾಚೆ ಥಾವ್ನ್ ಪ್ರೇರಣ್ ಜೊಡುಂಕ್ ವಿಗಾರಾಂನಿ ಉಲೊ ದಿಲೊ.
Popularity: 5% [?]
