ಲೊರೆಟ್ಟೊಂತ್ ಭಲಾಯ್ಕೆ ಮಾಹೆತ್ ಶಿಬಿರ್
ಕಥೊಲಿಕ್ ಸಭಾ ಲೊರೆಟ್ಟೊ ಘಟಕ್, ಸಿ.ಒ.ಡಿ.ಪಿ. ಸಂಸ್ಥೊ ಆನಿ ಫಾದರ್ ಮುಲ್ಲರ್ಸ್ ಹೋಮಿಯೊಪತಿ ಆಸ್ಪತ್ರ್ ಮಂಗ್ಳುರ್ ಹಾಂಚ್ಯಾ ಸಾಂಗಾತ್ಪಾಣಾರ್ ೧೪.೦೨.೨೦೧೦ವೆರ್ ಆಯ್ತಾರಾ ಲೊರೆಟ್ಟೊ ಇಗರ್ಜೆಚ್ಯಾ ಸಾಲಾಂತ್ ಭಲಾಯ್ಕೆ ಮಾಹೆತ್ ಶಿಬಿರ್ ಆನಿ ಉಚಿತ್ ತಪಾಸಣ್ ತಶೆಂ ಚಿಕಿತ್ಸಾ ವ್ಯವಸ್ಥಾ ಆಸಾ ಕೆಲ್ಲಿ.
ವಿಗಾರ್ ಬಾಪ್ ಸಿಪ್ರಿಯನ್ ಪಿಂಟೊ, ಫಾದರ್ ಮುಲ್ಲರ್ಸ್ ಹೋಮಿಯೊಪತಿ ಆಸ್ಪತ್ರೆಚ್ಯಾ ವಯ್ಜಾಂಚಿ ಮುಕೆಲ್ನ್ ಡಾ. ಜೋಲಿ ಡಿ’ಮೆಲ್ಲೊ, ಸಿ.ಒ.ಡಿ.ಪಿ. ಸಂಸ್ಥ್ಯಾಚೊ ಪ್ರತಿನಿಧಿ ಮಾನೆಸ್ತ್ ಐವನ್ ಮಿನೇಜಸ್, ಫಿರ್ಗಜ್ ಉಪಾಧ್ಯಕ್ಷ್ ಶ್ರೀ ಜ್ಯೂಡ್ ಕುವೆಲ್ಲೊ, ಕಾರ್ಯದರ್ಶಿ ಶ್ರೀ ಹ್ಯೂಬರ್ಟ್ ಲೋಬೊ ಆನಿ ಕಾರ್ಯದರ್ಶಿನ್ ಶ್ರೀಮತಿ ಐರಿನ್ ಡಿ’ಸೋಜ ವೇದಿರ್ ಹಾಜರ್ ಆಸ್ಲ್ಲಿಂ. ಕಥೊಲಿಕ್ ಸಭಾ ಅಧ್ಯಕ್ಷ್ ಶ್ರೀ ಸಿಪ್ರಿಯನ್ ಡಿ’ಸೋಜನ್ ಸರ್ವಾಂಕ್ ಸ್ವಾಗತ್ ಕೆಲೊ.
ವಿಗಾರ್ ಬಾಪಾನಿಂ ತಶೆಂ ವೇದಿರ್ ಆಸ್ಲ್ಲ್ಯಾ ಸಯ್ರ್ಯಾಂನಿಂ ದಿವೊ ಪೆಟಂವ್ಚಾ ಸಂಗಿ ಕಾರ್ಯಚೆಂ ಉದ್ಘಾಟನ್ ಕೆಲೆಂ. ಕಥೊಲಿಕ್ ಸಭಾ ಆಮ್ಚ್ಯಾ ಫಿರ್ಗಜೆಂತ್ ಲೊಕಾಚ್ಯಾ ಬರ್ಯಾಪಣಾ ಖಾತಿರ್ ಬರೊ ವಾವ್ರ್ ಕರ್ನ್ ಆಸಾ ಆನಿ ಹ್ಯಾ ಉದೆಶಿಂ ಆಜ್ ಹಾಂಗಾಸಾರ್ ತಾಣಿಂ ಆಮ್ಚ್ಯಾ ಲೊಕಾಕ್ ಹೋಮಿಯೊಪತಿಕ್ ಚಿಕಿತ್ಸೆಚೆಂ ಮಾಹೆತ್ ಶಿಬಿರ್ ಆಸಾ ಕೆಲಾಂ. ಆಶೆಂ ಕಥೊಲಿಕ್ ಸಭೆಕ್ ಆಪ್ಣಾಚೆ ತರ್ಫೆನ್ ಆಭಿನಂದನ್ ಪಾಠಂವ್ಚೆ ಸಂಗಿ ಶಿಬಿರಾಚೊ ಫಾಯ್ದೊ ಜೋಡುಂಕ್ ವಿಗಾರ್ ಬಾಪಾಂನಿ ಆಪ್ಣಾಚ್ಯಾ ಸಂದೇಶಾಂತ್ ಉಲೊ ದಿಲೊ.
ಡಾಕ್ಟರ್ ಜೋಲಿ ಡಿ’ಮೆಲ್ಲೊ ಹಿಣೆಂ ಲೊಕಾಕ್ ಭಲಾಯ್ಕಿ ಸಾಂಬಾಳ್ಚೆವಿಶಿಂ ಕುಡಿಚಿ ನಿತಳಾಯ್, ಜೆವ್ಣಾ ಖಾಣಾ ವಿಶಿಂ ವ್ಯಾಯಾಮ್ ತಶೆಂ ನಿತಳ್ ಉದಾಕ್ ಉಪಯೋಗ್ಸುಂಚೆ ವಿಶಿಂ ವಿವರ್ ದಿಲೊ.
೧೭೯೦ ಇಸ್ವೆಂತ್ ಜರ್ಮನಿಂತ್ ಪ್ರಾರಂಭ್ ಜಾಲ್ಲಿ ಹೋಮಿಯೊಪತಿಕ್ ಚಿಕಿತ್ಸಾ ಆಜ್ಕಾಲ್ ಸಗ್ಳ್ಯಾ ಸಂಸಾರಾರ್ ಲೊಕಾಕ್ ಸುಲಭ್ ರೀತಿನ್ ಪಿಡಾ ಗೂಣ್ ಕರುಂಕ್ ಸಕ್ತಾ ಜಾಲ್ಲ್ಯಾನ್ ಲೊಕಾನ್ ಹ್ಯಾ ಚಿಕಿತ್ಸೆಚೊ ಫಾಯ್ದೊ ಜೊಡುಂಕ್ ತಿಣೆಂ ಉಲೊ ದಿಲೊ. ಮಾಹೆತ್ ಕಾರ್ಯಕ್ರಮಾಂತ್ ಹಾಜರ್ ಆಸ್ಲ್ಲ್ಯಾ ಗರ್ಜೆವಂತಾಂಕ್ ಆಮ್ಚಾ ಭಲಾಯ್ಕೆ ಕೇಂದ್ರಾಂತ್ ಉಚಿತ್ ತಪಾಸಣ್ ತಶೆಂ ಚಿಕಿತ್ಸಾ ಒದಗ್ಸಿಲಿ.
ಶಿಬಿರಾಕ್ ಹಾಜರ್ ಜಾಲ್ಲ್ಯಾ ಸಮೇಸ್ತಾಂಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಆಸ್ಲ್ಲಿ. ಶ್ರೀ ಸುನಿಲ್ ಪಿಂಟೊ ಹಾಣೆಂ ಕಾರ್ಯಕ್ರಮಾಚ್ಯೊ ತಸ್ವೀರ್ಯೊ ಕಾಡ್ನ್ ಸಹಕಾರ್ ದಿಲೊ. ಶ್ರೀ ವಾಲ್ಟರ್ ನೊರೊನ್ಹಾ ಹಾಣೆಂ ಕಾರ್ಯೆಂ ಚಲವ್ನ್ ವೆಲೆಂ. ಶ್ರೀಮತಿ ವಿಲ್ಮಾ ಗೋಮ್ಸ್ ಹಿಣೆಂ ಧನ್ಯವಾದ್ ಆರ್ಪುಂಚೆ ಸಂಗಿ ಕಾರ್ಯಕ್ರಮ್ ಸಂಪ್ಲೆಂ.
Popularity: 3% [?]
