ಭುರ್ಗ್ಯಾಂಚಾ ವಾಡಾವಳಿಂತ್ ವ್ಹಡಿಲಾಂಚೊ ಸಂವಾದ್
ಸ್ತೀ ಸಂಘಟನ್, ಲೊರೆಟ್ಟೊ ಘಟಕಾನ್ ಜುಲಾಯ್ಚಾ ೨೪ ತಾರಿಕೆರ್ ಸನ್ವಾರಾ ದೊನ್ಪರಾಂ ೨.೦೦ ಥಾವ್ನ್ ೪.೩೦ ವೊರಾಂ ಪರ್ಯಾಂತ್ ಲೊರೆಟ್ಟೊ ಮಾತಾ ಸಭಾ ಭವನಾಂತ್, ಲೊರೆಟ್ಟೊ ತಶೆಂಚ್ ಸೊರ್ನಾಡ್ ಇಸ್ಕೊಲಾಚಾ ಸರ್ವ್ ಭುರ್ಗ್ಯಾಂಚಾ ಆವಯ್-ಬಾಪಾಯ್ಕ್ಂ “ಭುರ್ಗ್ಯಾಂಚಾ ವಾಡಾವಳಿಂತ್ ವ್ಹಡಿಲಾಂಚೊ ಸಂವಾದ್” ಮ್ಹಳ್ಳ್ಯಾ ವಿಷಯಾಚೆರ್ ಶಿಬಿರ್ ಮಾಂಡುನ್ ಹಾಡ್ಲ್ಲೆಂ. ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಮಂಗ್ಳೂರ್ ದಿಯೆಸೆಜಿಚಾ ಶಾಂತಿಕಿರಣ್ ಕೇಂದ್ರಚಿ ಸಮಾಲೋಚಕಿ ಸಿಸ್ಟರ್ ಕಾರ್ಮೆಲಿಟಾ ಹಾಜರ್ ಆಸ್ಲ್ಲಿ.
ಮಾಗ್ಣ್ಯಾದ್ವಾರಿಂ ದಿವೊ ಪೆಟವ್ನ್ ಕಾರ್ಯಾಚಿ ಸುರ್ವಾತ್ ಕೆಲಿ. ಫಿರ್ಗಜ್ ವಿಗಾರ್, ಇಸ್ಕೊಲಾಂಚೆ ಸಂಚಾಲಕ್ ಆನಿ ಸ್ತ್ರೀ ಸಂಘಟನಾಚೆ ನಿರ್ದೇಶಕ್ ಮಾನಾಧಿಕ್ ಬಾಪ್ ಸಿಪ್ರಿಯನ್ ಪಿಂಟೊ, ಸಂಪನ್ಮೂಲ್ ವ್ಯಕ್ತಿ ಭಯ್ಣ್ ಕಾರ್ಮೆಲಿಟಾ, ಫಿರ್ಗಜ್ ಗೊವ್ಳಿಕ್ ಪರಿಷಧೆಚೊ ಕಾರ್ಯದರ್ಶಿ ಶ್ರೀ ಹ್ಯೂಬರ್ಟ್ ಲೋಬೊ, ಲೊರೆಟ್ಟೊ ಇಸ್ಕೊಲಾಚಿ ಮುಖೇಲ್ ಮೆಸ್ತ್ರಿಣ್ ಸಿಸ್ಟರ್ ಲೀನಾ ಆನಿ ಸ್ತ್ರೀ ಸಂಘಟನಾಚಿ ಅಧ್ಯಕ್ಷಿಣ್ ಶ್ರೀಮತಿ ಲಿಡ್ವಿನ್ ಫೊನ್ಸೇಕಾ ವೇದಿರ್ ಉಪಸ್ಥಿತ್ ಆಸ್ಲ್ಲಿಂ.
ಮಾನಾಧಿಕ್ ಬಾಪ್ ಸಿಪ್ರಿಯನ್ ಪಿಂಟೊನ್ ವೆಳಾರ್ ಶಿಬಿರಾಕ್ ಹಾಜರ್ ಜಾಲ್ಲ್ಯಾ ಸರ್ವ್ ವ್ಹಡಿಲಾಂಕ್ ಅಭಿನಂದನ್ ಪಾಟೈಲೆಂ. ಮುಂದರ್ಸುನ್ “ಯೆಂವ್ಚ್ಯಾ ವರ್ಸಾ ಆಮ್ಚಾ ಲೊರೆಟ್ಟೊ ಇಸ್ಕೊಲಾಚೊ ಶತಮಾನೋತ್ಸವ್ ಆಮಿಂ ಆಚರಣ್ ಕರ್ತಾಂವ್. ಹ್ಯಾ ಸಂದರ್ಭಿಂ ಇಸ್ಕೊಲಕ್ ಜಾಯ್ ಜಾಲ್ಲ್ಯೊ ಸರ್ವ್ ಸವ್ಲತಾಯೊ ಒದಗ್ಸುನ್ ದಿಲ್ಯಾತ್ ಮಾತ್ರ್ ನೈಂ ಆಸ್ತಾಂ ಸವಿ ಕ್ಲಾಸ್ ಇಂಗ್ಲೀಷ್ ಮಾಧ್ಯಮ್ ಇಸ್ಕೊಲ್ ಪ್ರಾರಂಭ್ ಕೆಲಾಂ. ಸರ್ವ್ ವ್ಹಡಿಲಾನಿಂ ಇಸ್ಕೊಲಾ ಥಾವ್ನ್ ಬರ್ಪೂರ್ ಫಾಯ್ದೊ ಜೊಡಿಜಾಯ್. ಭುರ್ಗ್ಯಾಂಕ್ ಶಿಸ್ತ್ ಆನಿ ವೆಳಾಚೊ ಮಹತ್ವ್ ಶಿಕಯ್ಜಾಯ್. ಆವಯ್-ಬಾಪಯ್ನ್ ಭುರ್ಗ್ಯಾಂಕ್ ಬೊರೆಂ ಮಾರ್ಗದರ್ಶನ್ ಜಾಯ್ಜಾಯ್” ಮ್ಹಣ್ ಆಪೂರ್ಬಾಯೆಚೊ ಸಂದೇಶ್ ದಿಲೊ.
ಉಪ್ರಾಂತ್ ಸಿಸ್ಟರ್ ಕಾರ್ಮೆಲಿಟಾನ್ ಭುರ್ಗ್ಯಾಂಚಾ ವಾಡಾವಳಿಂತ್ ವ್ಹಡಿಲಾಂಚೊ ಪಾತ್ರ್ ಕಸೊ ಆಸಾಜಾಯ್ ಮ್ಹಣ್ ಥೊಡೆ ವಾಸ್ತವಿಕ್ ದಾಕ್ಲೆ ದೀವ್ನ್ ವಿವರಣ್ ದಿಲೆಂ. ಹ್ಯಾ ಶಿಬಿರಾಕ್ ಸರಿಸುಮಾರ್ ೩೦೦ ವ್ಹಡಿಲಾಂ ಹಾಜರ್ ಆಸ್ಲ್ಲಿಂ. ಸರ್ವಾಂಕ್ ಕಾಫಿ-ಫಳಾರ್ ಆಸಾ ಕೆಲ್ಲೊ.
ಶ್ರೀಮತಿ ಸ್ವಾತಿ ಕಾರ್ಲೊನ್ ಸ್ವಾಗತ್ ಕರ್ನ್ ಕಾರ್ಯೆಂ ನಿರ್ವಾಹಣ್ ಕೆಲೆಂ. ಕಾಂiiದರ್ಶಿ ಶ್ರೀಮತಿ ಶೈಲಾ ಬರ್ಬೋಜಾನ್ ಧನ್ಯವಾದ್ ಪಾಟಯ್ಲೆಂ.
ವರ್ದಿ:- ಮೇರಿ ಪಿಂಟೊ
Popularity: 8% [?]
