ಲೂರ್ಡ್ಸ್ ವಾಡ್ಯಾಚೆ ಫೆಸ್ತ್
ಲೂರ್ಡ್ಸ್ ಮಾಯೆಕ್ ಸಮರ್ಪುನ್ ದಿಲ್ಲ್ಯಾ ವಾಡ್ಯಾಚೆ ಸರ್ವ್ ಸಾಂದೆ ಆಪೊವ್ಣೆ ದಿಲ್ಲ್ಯಾ ಸಯ್ರ್ಯಾಂ ಸಂಗಿ ‘ವಾಡ್ಯಾಚೆಂ ಫೆಸ್ತ್’ ಆಚರಣ್ ಕರುಂಕ್ ಫೆಬ್ರವರಿಚ್ಯಾ ೧೪ ತಾರಿಕೆರ್ ಸಾಂಜೆರ್ ೪ ವೊರಾಂಚೆರ್ ಇಗರ್ಜೆಚ್ಯಾ ಮಿನಿ ಹೊಲಾಂತ್ ಸಾಂಗಾತಾ ಮೆಳ್ಳ್ಯಾಂವ್.
ಫೆಸ್ತಾಕ್ ತಯಾರಾಯ್ ಜಾವ್ನ್ ಸನ್ವಾರಾ ಸಕಾಳಿಂ ೮.೩೦ ವೊರಾಂಚೆರ್ ವಾಡ್ಯಾಗಾರಾಂ ಮೆಳೊನ್ ಇಗರ್ಜ್ ಆನಿ ಇಗರ್ಜೆಚ್ಯಾ ಭೊಂವ್ತಿಂ ನಿತಳಾಯ್ ಕೆಲಿ. ಆಯ್ತಾರಾ ಸಕಾಳಿಂ ೭.೩೦ ವೊರಾಂಚ್ಯಾ ಮಿಸಾಚ್ಯಾ ಪವಿತ್ರ್ ಬಲಿದಾನಾ ಸಂಗಿ ಫೆಸ್ತಚೊ ಸಂಭ್ರಮ್ ಆರಂಭ್ ಕೆಲೊ. ಫೆಸ್ತಾಚ್ಯಾ ಮಿಸಾಚಿ ಲಿತುರ್ಜಿ ವಾಡ್ಯಾಚಾ ಸಾಂದ್ಯಾನಿಂ ಚಲವ್ನ್ ವೆಲ್ಲಿ.
ಕಾರ್ಯನಿರ್ವಾಹಕ್ ಶ್ರೀಮತಿ ಮೇರಿ ಪಿಂಟೊನ್ ಆಪ್ಲ್ಯಾ ಮಟ್ವ್ಯಾ ಪ್ರಸ್ತಾವನಾ ಸಂಗಿ ಸಾಂಜೆಚೆ ಕಾರ್ಯಕ್ರಮ್ ಪ್ರಾರಂಭ್ ಕೆಲೆಂ. ಆಮ್ಚಾ ಫಿರ್ಗಜೆಚೆ ವಿಗಾರ್ ಬಾಪ್ ಸಿಪ್ರಿಯನ್ ಪಿಂಟೊ, ಫಿರ್ಗಜ್ ಉಪಾಧ್ಯಕ್ಷ್ ಶ್ರೀ ಜ್ಯೂಡ್ ಕುವೆಲ್ಲ್ಯೊ, ಕಾರ್ಯದರ್ಶಿ ಶ್ರೀ ಹ್ಯೂಬರ್ಟ್ ಲೋಬೊ, ಕೊವೆಂತಾಚಿ ವ್ಹಡಿಲ್ನ್ ಭಯ್ಣ್ ಲೀನಾ ಪಿರೇರಾ ಆನಿ ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಕ್ರಿಸ್ತಿನ್ ಲುವಿಸ್ ವೆದಿರ್ ಉಪಸ್ತಿತ್ ಆಸ್ಲ್ಲಿಂ.
ಮಾನಾಚ್ಯಾ ಸಯ್ರ್ಯಾಂಕ್ ಆನಿ ಜಮ್ಲ್ಯಾಲ್ಯಾ ಸರ್ವಾಂಕ್ ಶ್ರೀಮತಿ ಕ್ರಿಸ್ತಿನ್ ಲುವಿಸಾನ್ ಸ್ವಾಗತ್ ಕೆಲೆಂ. ಲೂರ್ಡ್ಸ್ ಮಾಯೆಕ್ ಸಂಭ್ರಮಾನ್ ಸ್ವಾಗತ್ ಕರ್ಚ್ಯಾ ದ್ವಾರಿಂ ಲೂರ್ಡ್ಸ್ ಮಾಯೆಚೆಂ ಗೀತ್ ಗಾವ್ನ್ ಕಾಂiiಚೆಂ ಉಗ್ತಾವಣ್ ಕೆಲೆಂ.
ಸಂಭ್ರಮಾಕ್ ಆಶೀರ್ವಾದ್ ಮಾಗೊನ್ ಶ್ರೀಮತಿ ಸಿಂತಿಯಾ ಡಿ’ಸೋಜ ಆನಿ ಸಾಂಗಾತ್ಯಾಂನಿ ಮಾಗ್ಣ್ಯಾವಿಧಿ ಚಲೊವ್ನ್ ವೆಲಿ.
ಲ್ಹಾನ್ ಕ್ರಿಸ್ತಾಮವ್ ಸಮುದಾಯೆಚೊ ಸಂಚಾಲಕ್ ಶ್ರೀಮಾನ್ ಹ್ಯೂಬರ್ಟ್ ಲೋಬೊನ್ ಫೆಸ್ತಾಚೆ ಅಭಿನಂದನ್ ಪಾಟೊಂವ್ಚೆ ಸಂಗಿಂ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸರ್ವಾಂಕ್ ಎಕ್ವೊಟಾಂವ್ಚೊ ಏಕ್ ಬಾಂದ್ ಮ್ಹಳ್ಳೊ ಸಂದೇಶ್ ದಿಲೊ.
ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಶ್ರೀಮಾನ್ ಜ್ಯೂಡ್ ಕುವೆಲ್ಯೊನ್ ಫೆಸ್ತಾಚೆ ಶುಭಾಷಯ್ ಪಾಟೊವ್ನ್ ಆಮ್ಚ್ಯಾ ಸಗ್ಳ್ಯಾ ಫಿರ್ಗಜೆಂತ್ ಲೂರ್ಡ್ಸ್ ವಾಡೊ ಹರ್ಯೆಕ್ ಸಂಗ್ತಿನಿ ಮ್ಹಣ್ಚೆ ಶಿಕ್ಪಾಂತ್, ಆರ್ಥಿಕ್ ಥರಾನ್, ಶಿಕ್ಷಣಾಂತ್ ಇತ್ಯಾದಿ ತಾಲೆಂತಾನಿಂ ಬೊರ್ಲೊಲೊ ಜಾವ್ನಾಸಾ ಹೆ ತುಮಿ ಮುಕಾರ್ಸುನ್ ವ್ಹರ್ನ್ ಹೆರಾಂಕ್ ಏಕ್ ಆದರ್ಶ್ ಜಾಂವ್ಕ್ ಉಲೊ ದಿಲೊ. ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಕ್ರಿಸ್ತಿನ್ ಲುವಿಸಾನ್ ವಾಡ್ಯಾಂತ್ ಜಾಂವ್ಚೆ ಅಭಿವೃದ್ಧಿ ಪಳೆಂವ್ನ್ ತಿಚಿ ಸಂತೊಸಾಚಿ ಭೊಗ್ಣಾಂ ವ್ಯಕ್ತ್ ಕೆಲಿಂ. ಆನಿ ಮುಕ್ಲ್ಯಾ ದಿಸಾನಿಂ ವಾಡ್ಯಾಗಾರಾಂಚೊ ಸಹಕಾರ್ ಆಪೇಕ್ಶಿಲೊ.
ಸಂಭ್ರಮಾಚೊ ಆಧ್ಯಕ್ಷ್ ಮಾನಾಧಿಕ್ ಬಾಪ್ ಸಿಪ್ರಿಯನ್ ಪಿಂಟೊನ್ ಹೋಲ್ಬೋರ್ ಲೋಕ್ ಆಸ್ಲ್ಲೊ ಪಳೆನ್ ತಾಂಚೊ ಸಂತೊಸ್ ವ್ಯಕ್ತ್ ಕೆಲೊ. ಹರ್ಯೇಕ್ ಫಿರ್ಗಜೆಂತ್ ಪಾತ್ರೊನಾಚ್ಯಾ ನಾಂವಾಚೊ ವಾಡೊ ಆಸ್ತಾ. ಆಮ್ಚ್ಯಾ ಫಿರ್ಗಜೆಂತ್ ಹೆಂ ನಾ. ಲೂರ್ಡ್ಸ್ ವಾಡ್ಯಾಂತ್ ಚಡ್ ಕುಟ್ಮಾ ಆಸ್ಲ್ಲ್ಯಾ ವರ್ವಿಂ ಮುಕ್ಲ್ಯಾ ದಿಸಾಂನಿ ಹೊ ವಾಡೊ ದೋನ್ ಕರ್ನ್, ಅನ್ಯೇಕಾ ವಾಡ್ಯಾಕ್ ‘ಲೊರೆತ್ ಮಾಯೆಚೊ ವಾಡೊ’ ಮ್ಹಣ್ ನಾಂವ್ ದಿಂವ್ಚೆಂ ಮ್ಹಣ್ ತಾಂಚಿ ಆಶಾ ಉಚಾರ್ಲಿ. ಸಾಂಗಾತಾಚ್ ಇತರ್ ವಾಡ್ಯಾಚ್ಯಾ ಗುರ್ಕಾರಾಂಕ್ ಆನಿ ಪ್ರತಿನಿಧಿಂಕ್ ಕಾರ್ಯಕ್ ಅಪೊವ್ಣೆಂ ದಿತಾನಾ ತಾಂಚಿ ನಾಂವಾ ಉಚಾರ್ನ್ ತಾಂಕಾಂ ಸ್ವಾಗತ್ ಕರಿಜೆ ಮ್ಹಣ್ ಸಲಹಾ ದಿಲಿ. ಲೂರ್ಡ್ಸ್ ವಾಡ್ಯಾ ಥಾವ್ನ್ ಪ್ರತಿನಿಧಿ ಗೊವ್ಳಿಕ್ ಪರಿಷದೆಂತ್ ಆಸಾತ್, ಹಾಣಿಂ ವಾಡೊ ಎಕ್ವಟಿತ್ ಕರ್ನ್ ಚಲೊವ್ನ್ ವರಿಜೆ ಮ್ಹಣ್ ಉಲೊ ದಿಂವ್ಚ್ಯಾ ಸಂಗಿ ಪಾಂಚೀ ಪ್ರತಿನಿಧಿಂಕ್ ಫುಲಾಂ ದೀವ್ನ್ ಸನ್ಮಾನ್ ಕೆಲೊ.
ಉಪ್ರಾಂತ್ ಜಮ್ಲಾಲ್ಯಾ ಸರ್ವಾಂಕ್ ಮನೋರಂಜಿತ್ ಕರ್ಚ್ಯಾಕ್ ಆಮ್ಚ್ಯಾ ವಾಡ್ಯಾಂತ್ಲ್ಯಾ ದಾಕ್ಟುಲ್ಯಾ ತಶೆಂಚ್ ವ್ಹಡಾಂ ಭುರ್ಗ್ಯಾಂನಿ ಆಪುರ್ಬಾಯೆಚೊ ನಾಚ್ ನಾಚೊನ್ ಸರ್ವಾಂಕ್ ದಾದೊಶಿ ಕೆಲೆಂ. ಹ್ಯಾ ಭುರ್ಗ್ಯಾಂಕ್ ಶ್ರೀಮತಿ ಮೋಲಿ ಪಿಂಟೊ ಅನಿ ಕು. ರೀನಾ ಡಿ’ಸೋಜಾನ್ ತರ್ಬೆತಿ ದಿಲ್ಲಿ.
ಉಪ್ರಾಂತ್ ಜಮ್ಲಾಲ್ಯಾ ಸರ್ವಾಂಕ್ ಸುಡ್ಸುಡಿತ್ ಕರ್ಚ್ಯಾಕ್ ಶ್ರೀಮತಿ ಪಾವ್ಲಿನ್ ಡಿ’ಸೋಜ ಆನಿ ಶ್ರೀಮತಿ ಮರೀನಾ ತಾವ್ರೊನ್ ಪ್ರಾಯೆ ತೆಕೀದ್ ವಿವಿಧ್ ಖೆಳ್ ಮಾಂಡುನ್ ಹಾಡ್ಲ್ಲೆ. ಖೆಳಾಂತ್ ಜಿಕ್ಲೆಲ್ಯಾಂಕ್ ಇನಾಮಾಂ ವಾಂಟ್ಲಿಂ.
ಶ್ರೀಮಾನ್ ಲುವಿಸ್ ಫೆರ್ನಾಂಡಿಸಾನ್ ಕಾಫಿ-ಫಳಾರಾಚಿ ವ್ಯವಸ್ಥ ಕೆಲ್ಲಿ, ಸರ್ವಾಂನಿ ತೆಂ ಸ್ವೀಕಾರ್ ಕೆಲ್ಲ್ಯಾ ಉಪ್ರಾಂತ್ ಕಾರ್ಯಚೊ ನಿಮಾಣೊ ಹಂತ್ ಜಾವ್ನ್ ಪ್ರತಿನಿಧಿ ಶ್ರೀಮತಿ ಲಿಡ್ವಿನ್ ಫೊನ್ಸೇಕಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಸಂಭ್ರಮಾಕ್ ಸರಿಸುಮಾರ್ ೧೫೦ ಜಣಾಂ ಹಾಜರ್ ಆಸೊನ್ ಕಾರ್ಯೆಂ ಬೊರ್ಯಾ ಥರಾನ್ ಸಂಪ್ಲೆಂ.
Popularity: 5% [?]
