ಮೊ೦ತಿ ಫೆಸ್ತ್ ವಡಾ ದಬಾಜನ್ ಆಚರಣ್ ಕರು೦ಕ್ ಸಾಕಾಳಿ೦ 7:30 ವೊರಾಚೆ೦ರ್ ಪೊದ್ವಾರ್ ಸಮೆಸ್ತಾ೦ ಜಮ್ಲ್ಯಾ೦ವ್. ರಾತಿ೦ ಥಾ೦ವ್ನ್ ಜೊರ್ ಪಾವ್ಸ್ ಆಸ್ಲ್ಲೊತರಿ, ಸ೦ಬ್ರಾಮ್ ಪ್ರಾರ೦ಬ್ ಕರ್ತಾನ ಪಾವ್ಸ್ ಸುಟ್ಲೊ. ವಿಗಾರಾನಿ೦ ನವಿ ಕನ್ಶಿ ಆನಿ ರಾದ್ವಾಯ್ ಬೆ೦ಜಾರ್ ಕೆಲಿ. ಪೊದ್ವಾರ್ ಥಾ೦ವ್ನ್ ಇಗರ್ಜೆ ಪರ್ಯಾ೦ತ್ ಮಾಯೆಚ್ಯಾ ಮಾನಾಕ್ ಪುರ್ಶಾ೦ವ್ ಕಾಡ್ಲೊ.
ಮಿಸಾಚೆ೦ ಬಲಿದಾನ್ ವಿಗಾರ್ ಸಿಪ್ರಿಯಾನ್ ಪಿ೦ಟೊ ತಶೆ೦ಚ್ ಪಾ. ಜೊನ್ ಲೋಬೊನ್ ಸಹ ಬೆಟವ್ಣಿ೦ ಕೆಲಿ. ಮಿಸಾ ಉಪ್ರಾ೦ತ್ ಟೆಲಿಪೊನ್ ದಿರೆಕ್ಟಿ ‘ಲೊರೆಟ್ಟೊಚಿ ವಳಕ್-ಜಳಕ್’ ವಿಗಾರಾನಿ೦ ಸ೦ಪಾದಕಿಯ್ ಮ೦ಡಳಿ ಸವೆ೦ ಉಗ್ತಾಯ್ಲಿ.
ಮಿಸಾ ಉಪ್ರಾ೦ತ್ ಸಮೆಸ್ತಾ೦ಕ್ ಪಪ್ಸ್, ತ೦ಡ್ ಪಿವನ್ ಆನಿ ಕೊಬು ವಾಟ್ಲೊ.
Popularity: 13% [?]
Filed under: Loreto Church | 1 Comment »
ಲೊರೆಟ್ಟೊ ಫಿರ್ಗಜೆಂತ್ ಜುಲೈ ೨೫ ತಾರಿಕೆರ್ ಆಯ್ತಾರಾ ಫಿರ್ಗಜಿಚಾ ಸರ್ವ್ ಯುವಜಣಾಂ ಮಧೆಂ ಎಕ್ವಟ್ ಚಡಂವ್ಚೆ ಖಾತಿರ್ ವಿಗಾರ್ ಬಾಪಾಂಚಾ ಸಹಕಾರಾನ್ ಐ.ಸಿ.ವೈ.ಯಮ್ ಘಟಕಾನ್ ಯುವಸಮಾವೇಶ್ ಮಾಂಡುನ್ ಹಾಡ್ಲೊ. ಹ್ಯಾ ಕಾರ್ಯಕ್ರಮಾಕ್ ಒಟ್ಟುಕ್ ೧೧೦ ಯುವಜಣ್ ಹಾಜರ್ ಆಸ್ಲ್ಲೆ. ಸಕಾಳಿಂ ೯.೩೦ವೊರಾರ್ ಸುರು ಕೆಲ್ಲ್ಯಾ ವೆದಿ ಕಾರ್ಯಾಕ್ ಅಧ್ಯಕ್ಷ್ ಜಾವ್ನ್ ಫಿರ್ಗಜ್ ವಿಗಾರ್ ಮಾ.ಬಾ.ಸಿಪ್ರಿಯನ್ ಪಿಂಟೊ, ತಶೆಂಚ್ ಉಪಾಧ್ಯಕ್ಷ್ ಶ್ರೀ ಜ್ಯೂಡ್ ಕುವೆಲ್ಲೊ, ಕಾರ್ಯದರ್ಶಿ ಶ್ರೀ ಹ್ಯೂಬರ್ಟ್ ಲೋಬೊ, ಬ್ರದರ್ ರಿಚ್ಚರ್ಡ್ ಮಿನೇಜಸ್, ವಾರಾಡ್ಯಾಚೆಂ ಕಾರ್ಯದರ್ಶಿ ಹೆನಿಟಾ ಲೋಬೊ ಆನಿ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಶ್ರೀ ಸ್ಟ್ಯಾನಿ ಡಿ’ಸೋಜಾ, ಐ.ಸಿ.ವೈ.ಯಮ್ ಸಚೇತಕ್ ಶ್ರೀ ರೋಶನ್ ಪಿಂಟೊ ಹಾಜರ್ ಆಸ್ಲ್ಲೆ. ಮ್ಯೂರಲಾನ್ ತ್ಯಾ ದಿಸಾಚೆಂ ಕಾರ್ಯೆಂ ಚಲವ್ನ್ ವೆಲೆಂ. ವಿಗಾರ್ ಬಾಪಾಂನಿ ಯುವಸಮಾವೇಶಾಚೆಂ ಉದ್ಘಾಟನ್ ಕೆಲೆಂ. ಅನಿತಾ ಫೊನ್ಸೇಕಾನ್ ಹಾಜರ್ ಆಸ್ಲ್ಲ್ಯಾ ಸರ್ವಾಂಕ್ ಸ್ವಾಗತ್ ಕೆಲೊ. ಯುವಜಣಾಂ ಥಂಯ್ ಎಕ್ವಟ್ ಆಸಜೆ. ಫಿರ್ಗಜೆಂತ್ ಆಸಾ ಕೆಲ್ಲ್ಯಾ ಸರ್ವ್ ಚಟುವಟಿಕೆಂತ್ ಕ್ರಿಯಾಳ್ ರೀತಿನ್ ಭಾಗ್ ಘೆಜೆ. ಖಂಚೆಯ್ ಕಾಮ್ ಕರಿಜೆ ಜಾಲ್ಯಾರ್ ಯುವಜಣಾಂ ಥಂಯ್ ಉರ್ಬಾ ಗರ್ಜೆಚಿ ಮ್ಹಣ್ ವಿಗಾರ್ ಬಾಪಾಂನಿ ಯುವಜಣಾಂಕ್ ಸಂದೇಶ್ ದಿಲೊ. ವೆದಿ ಕಾರ್ಯೆಂ ಸಂಪ್ತಚ್ ಬ್ರದರಾನ್ ಖೆಳ್, ಪದಾಂ, ನಾಚ್ ಶಿಕೊವ್ನ್ ಸರ್ವಾಂಕ್ ಸಂತೊಸಾಯ್ಲೆಂ. ಉಪ್ರಾಂತ್ ಸಂಪನ್ಮೂಲ್ ವ್ಯಕ್ತಿ ಶ್ರೀ ಸ್ಟ್ಯಾನಿ ಡಿ’ಸೋಜಾನ್ ಸುಮಾರ್ ದೇಡ್ ಘಂಟೊ ಭರ್ ‘ಕುಟ್ಮಾ ಜಿವಿತಾಂತ್ ಯುವಜಣಾಂಚೊ ಪಾತ್ರ್’ ಹಾಚೆ ವಿಶ್ಯಾಂತ್ ಮಾಹೆತ್ ದಿಲಿ ಆನಿ ಪಂಗಡ್ ತರ್ಕ್ ಚಲೊನ್ ವೆಲೆಂ. ಯುವಜಣಾಂನಿ ಜವಾಬ್ದಾರಿಚೆ ವ್ಯಕ್ತಿ ಜಾಯ್ಜಯ್. ಜಂಯ್ ಯುವಜಣಾಂ ಥಂಯ್ ಎಕ್ವಟ್ ಆಸಾ ಥಂಯ್ಸರ್ ಬರೆಂ ಕಾಮ್, ಸಮಾಜೆಂತ್ ಬದ್ಲಾವಣ್ ಹಾಡುಂಕ್ ಸಾಧ್ಯ್ ಆಸಾ. ಯುವಜಣಾಂನಿ ಆವಯ್-ಬಾಪಾಯ್ ಥಂಯ್ ಮೋಗ್ ದಾಕಯ್ಜಾಯ್. ತಾಂಚ್ಯಾ ಗರ್ಜಾಂತ್ ಪಾವಾಜಾಯ್. ಜಿಣಿಯೆಂತ್ ವಿಂಚವ್ಣ್ ಗರ್ಜೆಚಿ. ಬರೆಂ ಶಿಕಪ್ ಜೋಡ್ನ್, ತಾಂಚಾ ಮುಕ್ಲ್ಯಾ ಜಿವಿತಾಂತ್ ಕಿತೆಂ ಗರ್ಜ್ ಆಸಾ ತಾಚೆ ವಿಶ್ಯಾಂತ್ ಚಿಂತಾಪ್ ಆಟಯ್ಜಾಯ್. ಮೆಳ್ಲ್ಲೆ ಆವ್ಕಾಸ್ ಉಪಯೋಗ್ ಕರ್ನ್ ಆಮ್ಚೆ ಥಂಯ್ ಆಸ್ಲ್ಲಿಂ ತಾಲೆಂತಾಂ ಊರ್ಜಿತ್ ಕರುಂಕ್ ಪ್ರಯತ್ನ್ ಕರಿಜೆ ಮ್ಹಳ್ಳೆ ವಿಷಯ್ ತರ್ಕ್ ಜಾಲೆ.
ದೊನ್ಪರಾಂ ೧.೦೦ ಥಾವ್ನ್ ೧.೩೦ ವೊರ್ ಪರ್ಯಾಂತ್ ಶ್ರೀ ಸ್ಟೇನಿನ್ ಸಕ್ಕಡ್ ಯುವಜಣಾಂಕ್ ಕಾರಿಜ್ಮಾತಿಕ್ ಮಾಗ್ಣೆಂ ಆನಿ ಆರಾಧನ್ ಭಕ್ತಿನ್ ಚಲವ್ನ್ ವರ್ನ್ ತಾಂಚೆ ಖಾತಿರ್ ವಿಶೇಷ್ ಮಾಗ್ಣೆಂ ಭೆಟಯ್ಲೆಂ. ವಿಗಾರ್ ಬಾಪಾಂಚಾ ಮುಖೇಲ್ಪಣಾನ್ ರುಚಿಕ್ ಜೆವಾಣ್ ಜೇವ್ನ್ ೨.೦೦ ವೊರಾರ್ ಯುವಸಮಾವೇಶ್ ಸಂಪೈಲೊ.
Popularity: 13% [?]
Filed under: ICYM, Loreto Church | No Comments »
