ಪೊಂಪೈ ವಾಡ್ಯಾಚೆಂ ಫೆಸ್ತ್
ತಾರೀಕ್ ೧೧.೧೦.೨೦೦೯ವೆರ್ ಸಾಂಜೆರ್ ೪ ವೊರಾರ್ ಪೊಂಪೈ ವಾಡ್ಯಾಚಿಂ ಸರ್ವ್ ಕುಟ್ಮಾದಾರಾಂ ಪೊಂಪೈ ಸಾಯ್ಬಿಣಿಚೆಂ ಫೆಸ್ತ್ ಆಚರಣ್ ಕರ್ಚೆ ಖಾತಿರ್ ಶ್ರೀ ಬೆನೆಡಿಕ್ಟ್ ಮಿನೇಜಸಾಚಾ ಘರಾ ಜಮ್ಲ್ಯಾಂವ್.
ವಿಗಾರ್ ಬಾಪ್ ಸಿಪ್ರಿಯನ್ ಪಿಂಟೊ ಫಿರ್ಗಜ್ ಉಪಾಧ್ಯಕ್ಷ್ ಶ್ರೀಮಾನ್ ಜ್ಯೂಡ್ ಕುವೆಲ್ಲೊ, ಕಾರ್ಯದರ್ಶಿ ತಶೆಂ ಲ್ಹಾನ್ ಸಮುದಾಯೆಚೊ ಸಂಚಾಲಕ್ ಶ್ರೀ ಹ್ಯೂಬರ್ಟ್ ಲೋಬೊ, ಕೊನ್ವೆಂಟಾಚಿ ಸಿಸ್ಟರ್ ಪ್ರೀಮಾ, ಸಾಂ ಪೆದ್ರು ವಾಡ್ಯಾಚೊ ಗುರ್ಕಾರ್ ಶ್ರೀ ಆಲ್ಬರ್ಟ್ ಡಿ’ಸೋಜ ಹಾಜರ್ ಆಸ್ಲ್ಲಿಂ. ಸರ್ವ್ ಸಯ್ರ್ಯಾಂಕ್ ವಾಡ್ಯಾಚೊ ಗುರ್ಕಾರ್ ಶ್ರೀ ಸಿರಿಲ್ ರೊಡ್ರಿಗಸಾನ್ ಸ್ವಾಗತ್ ಕೆಲೊ. ಉಪ್ರಾಂತ್ ಶಾಂತಿ ಮಿನೇಜಸಾನ್ ಮಾಗ್ಣ್ಯಾ ವಿಧಿ ಚಲೊವ್ನ್ ವೆಲಿ.
ಮಾಗ್ಣ್ಯಾ ವಿಧಿ ನಂತರ್ ವಾಡ್ಯಾಂತ್ ನವೆಂ ವೊಕಾಲ್ ಜಾವ್ನ್ ಆಯಿಲ್ಲ್ಯಾ ಶ್ರೀ ಪೀಟರ್ ಆನಿ ಶಾಂತಿ ಮಿನೇಜಸಾಕ್ ವಿಗಾರ್ ಬಾಪಾಂನಿ ಗುಲೊಬ್ ದೀವ್ನ್ ಸ್ವಾಗತ್ ಮಾಗ್ಲೊ. ಲೊರೆಟ್ಟೊ ಫಿರ್ಗಜೆಂತ್ ೭೦ ವರ್ಸಾಂಚೊ ಸಂಭ್ರಮ್ ಚಲೊಂವ್ಚಾ ವಗ್ತಾ ವಾಡ್ಯಾಂತ್ ೭೦ ವರ್ಸಾಂ ಸಂಪೊಂವ್ಚಾ ಶ್ರೀಮತಿ ಐರಿನ್ ಫೆರ್ನಾಂಡಿಸ್ ಆನಿ ಶ್ರೀಮತಿ ದುಲ್ಸಿನ್ ವಾಲ್ಡರ್ ಹಾಂಕಾಂ ವಿಗಾರ್ ಬಾಪಾಂನಿ ಸನ್ಮಾನ್ ಕೆಲೊ. ಆಕ್ಟೋಬರಾಂತ್ ೫೦ ವರ್ಸಾಂ ಸಂಪೈಲ್ಯಾ ಶ್ರೀಮತಿ ಜುಲಿಯಾನಾ ಕ್ರಾಸ್ತಾ ಆನಿ ಶ್ರೀಮತಿ ಐರಿನ್ ರೊಡ್ರಿಗಸ್ ಹಾಂಕಾಂ ವಿಗಾರ್ ಬಾಪಂನಿ ಉಲ್ಲಾಸಿಲೆಂ. ವೈ.ಸಿ.ಯಸಾಂತ್ ವಾರಾಡ್ಯಾಂತ್ ಸಹ ಕಾರ್ಯದರ್ಶಿ ಜಾವ್ನ್ ವಿಂಚುನ್ ಆಯಿಲ್ಲ್ಯಾ ರೆನಿಟಾ ಮಿನೇಜಸ್ ಆನಿ ಸಾತ್ವೆಂತ್ ಗರಿಷ್ಟ್ ಅಂಕ್ ಕಾಡ್ಲ್ಲ್ಯಾ ಲೆನ್ಸನ್ ಫೆರ್ನಾಂಡಿಸ್ ಹಾಂಕಾಂ ವಿಗಾರ್ ಬಾಪಾಂನಿ ಗುಲೊಬ್ ದೀವ್ನ್ ಅಭಿನಂದನ್ ಪಾಟೈಲೆಂ. ಉಪ್ರಾಂತ್ ಉಪಾಧ್ಯಕ್ಷ್ ಆನಿ ಕಾರ್ಯದರ್ಶಿನ್ ವಾಡ್ಯಾಗಾರಾಂಕ್ ಸಂದೇಶ್ ದೀವ್ನ್ ಉಲ್ಲಾಸ್ ಪಾಟೈಲೆ. ವಿಗಾರ್ ಬಾಪಾಂನಿ ಆಪ್ಲ್ಯಾ ಸಂದೇಶಾಂತ್ ವಾಡ್ಯಾಂತ್ ಲ್ಹಾನ್ ಲ್ಹಾನ್ ಮನಸ್ತಾಪ್ ಆಸ್ಲ್ಯಾರೀ ತೆ ಬಗ್ಲೆಕ್ ದವ್ರುನ್ ಸಮೇಸ್ತಾಂನಿ ಎಕ್ವಟಾನ್ ವಾಡೊ ಬಾಂದುನ್ ಹಾಡುಂಕ್ ಉಲೊ ದಿಲೊ. ಶ್ರೀಮತಿ ಲೆನ್ನಿ ಫೆರ್ನಾಂಡಿಸಾನ್ ಲ್ಹಾನಾಂಕ್ ತಶೆಂ ವ್ಹಡಾಂಕ್ ಖೆಳ್ ಮಾಂಡುನ್ ಹಾಡ್ಲೆ ಆನಿ ಜಿಕ್ಲೆಲ್ಯಾಂಕ್ ಇನಾಮಾಂ ದಿಲಿಂ. ೮೫ ಜಣಾಂ ಹ್ಯಾ ಫೆಸ್ತಾಕ್ ಹಾಜರ್ ಆಸ್ಲ್ಲಿಂ. ರೆನಿಟಾ ಮಿನೇಜಸಾನ್ ಕಾರ್ಯೆಂ ಚಲವ್ನ್ ವೆಲೆಂ. ಶ್ರೀಮತಿ ಹೆಲೆನ್ ಕ್ರಾಸ್ತಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ನಿಮಾಣೆಂ ಬೆನೆಡಿಕ್ಟ್ ಮಿನೇಜಸಾನ್ ಗಡ್ದ್ ಪಾರ್ಟಿಚಿ ವ್ಯವಸ್ಥಾ ಕೆಲ್ಲಿ.
ಫೆಸ್ತಾಕ್ ತಯಾರಾಯ್ ಜಾವ್ನ್ ಆದ್ಲ್ಯಾ ದಿಸಾ ಸನ್ವಾರಾ ಸರ್ವ್ ವಾಡ್ಯಾಗಾರಾನಿಂ ಇಗರ್ಜ್ ನಿತಳ್ ಕೆಲಿ. ದುಸ್ರೆ ದಿಸಾ ಆಯ್ತಾರಾ ಸಕಾಳಿಂಚಾ ಮಿಸಾಚಿ ಲಿತುರ್ಜಿ ಅರ್ಥಾಭರಿತ್ ಥರಾನ್ ಚಲವ್ನ್ ವೆಲಿ.
ಶ್ರೀ ಸಿರಿಲ್ ರೊಡ್ರಿಗಸ್, ಗುರ್ಕಾರ್.
Popularity: 5% [?]
