ಲೊರೆಟ್ಟೊಂತ್ ಯಾಜಕಾಂಚೊ ದೀಸ್
ಲೊರೆಟ್ಟೊ ಫಿರ್ಗಜ್ ವಿಗಾರ್ ಮಾ. ಸಿಪ್ರಿಯನ್ ಪಿಂಟೊಚೊ ಪನ್ನಾಸಾವೊ ಜಲ್ಮಾ ದೀಸ್ ೧೭.೧೦.೨೦೧೦ವೆರ್ ಆಯ್ತಾರಾ ಸಕಾಳಿಂಚಾ ಮಿಸಾ ವೆಳಾರ್ ಸಾದ್ಯಾ ರಿತಿನ್ ಅರ್ಗಾಂ ಬಲಿದಾನ್ ಭೆಟವ್ನ್ ಆಚರ್ಸಿಲೊ. ವಿಶೇಷ್ ಕಿತೆಂಗಿ ಮ್ಹಳ್ಯಾರ್ ವಿಗಾರಾಂನಿ ಆಪ್ಣಾಕ್ ಪನ್ನಾಸಾವ್ಯಾ ಜಲ್ಮಾ ದಿಸಾಕ್ ಮ್ಹಣೊನ್ ತಾಂಚಾ ವಳ್ಕಿಚಾ ಎಕಾ ಕುಟ್ಮಾನ್ ತಾಂಕಾ ಮ್ಹಣೊನ್ ದಿಲ್ಲೆ ರೂ.೫೦,೦೦೦/- ಲೊರೆಟ್ಟೊ ಫಿರ್ಗಜಿಚಾ ಎಕಾ ದುಬ್ಳ್ಯಾ ಕುಟ್ಮಾಕ್ ನವೆಂ ಘರ್ ಬಾಂದುಂಕ್ ಕುಮೊಕ್ ಜಾವ್ನ್ ದಿಲಿ. ತಿ ದುಬ್ಳಿ ಸ್ತ್ರೀ ಏಕ್ ವಿಧವ್ ಆನಿ ತಿಚಿಂ ತೆಗಾಂ ಭುರ್ಗಿಂ ಶಿಕ್ತಾತ್. ತಾಂಚಾ ನವ್ಯಾ ಘರಾಕ್ ೨೧.೧೨.೨೦೦೯ವೆರ್ ವಿಗಾರಾಂನಿ ಬುನ್ಯಾದಿ ಫಾತೊರ್ ಬೆಂಜಾರ್ ಕೆಲ್ಲೊ.
ಯಾಜಕಾಂಕ್ ಭೆಟೊವ್ನ್ ದಿಲ್ಲ್ಯಾ ಹ್ಯಾ ವರ್ಸಾ ಆಮ್ಚೊ ಮೊಗಾಳ್ ವಿಗಾರ್ ಸಬಾರ್ ದುರ್ಬಳ್ಯಾ ಕುಟ್ಮಾಂಕ್ ವಿವಿಧ್ ಥರಾಂನಿ ವೈಯುಕ್ತಿಕ್ ಜಾವ್ನ್ ಆರ್ಥಿಕ್ ಕುಮೊಕ್ ಹಾಡೊವ್ನ್ ದಿತಾತ್ ಮ್ಹಳ್ಳೊ ವಿಷಯ್ ಆಮ್ಕಾಂ ಫಿರ್ಗಜ್ಗಾರಾಂಕ್ ವರ್ತ್ಯಾ ಸಂತೊಸಾಚೊ ಆನಿ ಅಭಿಮಾನಾಚೊ.
Popularity: 7% [?]
