ಲೊರೆಟ್ಟೊ ಇಸ್ಕೊಲಾಚ್ಯಾ ದುಬ್ಳ್ಯಾ ಭುರ್ಗ್ಯಾಂಕ್ ಸಮವಸ್ತುರ್ ಆನಿ ಬೂಕ್ ದಾನ್
99 ವರ್ಸಾಂ ಸಂಪೊವ್ನ್ ಶತಮಾನ್ ಆಚರಣ್ ಕರ್ಚಾ ಲೊರೆಟ್ಟೊ ಫಿರ್ಗಜಿಚಾ ಲೊರೆಟ್ಟೊ ಇಸ್ಕೊಲಾಂತ್ ಸಬಾರ್ ದುಬ್ಳಿಂ ಭುರ್ಗಿಂ ಶಿಕ್ತಾತ್. ತಸಲ್ಯಾ 100 ಭುರ್ಗ್ಯಾಂಕ್ ಫಿರ್ಗಜ್ ವಿಗಾರ್ ಮಾ. ಸಿಪ್ರಿಯನ್ ಪಿಂಟೊಚಾ ಮುಖೇಲ್ಪಣಾಖಾಲ್ 14.06.2010ವೆರ್ ರೂ.30,000/- ಖರ್ಚುನ್ ಧರ್ಮಾರ್ಥ್ ಸಮವಸ್ತುರ್ ಆನಿ ಬೂಕ್ ವಾಂಟ್ಲೆ. ಫಿರ್ಗಜ್ ಕಾರ್ಯದರ್ಶಿ ಶ್ರೀ ಹ್ಯೂಬರ್ಟ್ ಲೋಬೊನ್ ಸಮವಸ್ತುರ್ ಹಾಡುಂಕ್ ಆನಿ ವಾಂಟುಂಕ್ ಕುಮೊಕ್ ಕೆಲಿ. ಮುಖೇಲ್ ಮೆಸ್ತಿರ್ಣ್ ಭಯ್ಣ್ ಲೀನಾ ಪಿರೇರಾನ್ ಬೂಕ್ ಹಾಡ್ಚಿ ಆನಿ ಇಸ್ಕೊಲಾಚಾ ಶಿಕ್ಷಕಾಂನಿ ವಾಂಟ್ಚಿ ಮಾಂಡಾವಳ್ ಕೆಲಿ. “ಭುರ್ಗ್ಯಾಂನಿ ಶಿಕ್ಪಾಕ್, ಶಿಸ್ತೆಕ್ ಆನಿ ನಿತಳಾಯೆಕ್ ಗಮನ್ ದೀಂವ್ಕ್ ಜಾಯ್ ಆನಿ ಶಿಕ್ಷಕಾಂನಿ ಮೌಲ್ಯಭರಿತ್ ಶಿಕ್ಷಣ್ ಭುರ್ಗ್ಯಾಂಕ್ ದೀಂವ್ಕ್ ಜಾಯ್” ಮ್ಹಣೊನ್ ವಿಗಾರಾಂನಿ ಸಂದೇಶ್ ದಿಲೊ ಆನಿ ರೂ. 10,000/- ದಾನ್ ದಿಲ್ಲ್ಯಾ ಶ್ರೀ ಹೆರಾಲ್ಡ್ ಪಿಂಟೊ, ಸೊರ್ನಾಡ್ ವಾಡೊ ಹಾಚೊ ಉಪ್ಕಾರ್ ಭಾವುಡ್ಲೊ. ಭುರ್ಗ್ಯಾಂನಿ ವಿಗಾರ್ ಅನಿ ಸಂಚಾಲಕ್ ಜಾವ್ನಾಸ್ಚ್ಯಾ ಮಾ. ಸಿಪ್ರಿಯನ್ ಪಿಂಟೊಕ್ ಧನ್ಯವಾದ್ ಪಾಟೈಲೆ.
Popularity: 4% [?]
