ಸಾಂ ಪೆದ್ರು ವಾಡ್ಯಾಚೆಂ ಫೆಸ್ತ್
೨೦೧೦ ಜುಲಾಯ್ ೪ ತಾರಿಕೆರ್ ಆಯ್ತಾರಾ ಸಾಂಜೆರ್ ೪ ವೊರಾರ್ ಸಾಂ ಪೆದ್ರು ವಾಡ್ಯಾಚಿಂ ಸರ್ವ್ ಕುಟ್ಮಾದಾರಾಂ ವಾಡ್ಯಾಚೆಂ ಫೆಸ್ತ್ ಆಚರಣ್ ಕರುಂಕ್ ಲೊರೆಟ್ಟೊ ಇಸ್ಕೊಲಾಚ್ಯಾ ಸಾಲಾಂತ್ ಸಾಂಗಾತಾ ಮೆಳ್ಳ್ಯಾಂವ್.
ಅಧ್ಯಕ್ಷ್ ಜಾವ್ನ್ ವಿಗಾರ್ಬಾಪ್ ಸಿಪ್ರಿಯನ್ ಪಿಂಟೊ ಹಾಜರ್ ಆಸ್ಲ್ಲೆ. ಸಯ್ರೆ ಜಾವ್ನ್ ಉಪಾಧ್ಯಕ್ಷ್ ಶ್ರೀ ಜ್ಯೂಡ್ ಕುವೆಲ್ಲೊ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯೆಚೊ ಸಂಚಾಲಕ್ ತಶೆಂ ಫಿರ್ಗಜ್ ಕಾರ್ಯದರ್ಶಿ ಹ್ಯೂಬರ್ಟ್ ಲೋಬೊ, ಕೊವೆಂತಾಚಿ ಸಿಸ್ಟರಾಂ ಆನಿ ಇತರ್ ತೀನ್ ವಾಡ್ಯಾಚೆ ಗುರ್ಕಾರ್ ಹಾಜರ್ ಆಸ್ಲ್ಲೆ. ಸರ್ವ್ ಸಯ್ರ್ಯಾಂಕ್ ತಶೆಂ ವಾಡ್ಯಾಗಾರಾಂಕ್ ಗುರ್ಕಾರ್ ಶ್ರೀ ಆಲ್ಬರ್ಟ್ ಡಿ’ಸೋಜನ್ ಗುಲೊಬ್ ದೀವ್ನ್ ಸ್ವಾಗತ್ ಕೆಲೆಂ.
ಉಪ್ರಾಂತ್ ನೀತಾ ಸಿಕ್ವೇರಾನ್ ಮಾಗ್ಣ್ಯಾವಿಧಿ ಚಲವ್ನ್ ವೆಲಿ. ಮಾಗ್ಣ್ಯಾವಿಧಿ ಸಂಪ್ತಚ್ ಸ್ವೀಮಲ್ ಡಿ’ಸಿಲ್ವಾನ್ ಲ್ಹಾನಾಂಕ್ ತಶೆಂ ವ್ಹಡಾಂಕ್ ಖೆಳ್ ಮಾಂಡುನ್ ಹಾಡ್ಲೆ. ಖೆಳಾಂತ್ ಜಿಕ್ಲ್ಲ್ಯಾಂಕ್ ಸಯ್ರೆ ಜಾವ್ನ್ ಆಸ್ಲ್ಲ್ಯಾ ಗುರ್ಕಾರ್ ಗುರ್ಕಾರ್ನಿನ್ ಇನಾಮಾಂ ವಾಂಟ್ಲಿಂ. ಉಪ್ರಾಂತ್ ಉಪಾಧ್ಯಕ್ಷ್ ಆನಿ ಕಾರ್ಯದರ್ಶಿನ್ ವಾಡ್ಯಾಗಾರಾಂಕ್ ಸಂದೇಶ್ ದೀವ್ನ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ. ವಿಗಾರ್ ಬಾಪಾಂನಿ ಆಪ್ಲೆ ಸಂದೇಶ್ ದೀವ್ನ್ ವಾಡ್ಯಾಗಾರಾಂಕ್ ಬರೆಂ ಮಾಗೊನ್ ಹರ್ಯೇಕಾ ಜಮಾತೆರ್ ಬೈಬಲ್ ಕ್ವಿಜ್ ಚಲವ್ನ್ ವ್ಹರುಂಕ್ ತಿಳ್ಸಿಲೆಂ. ಮುಕ್ಲ್ಯಾ ಆಗಸ್ಟ್ ಸಪ್ಟೆಂಬರ್ ಮಹಿನ್ಯಾಂತ್ ಜೊಯೆಲ್ ಕುಟಿನ್ಹಾ ಆನಿ ಓಲ್ವಿನ್ ಡಿ’ಸೋಜಾನ್ ಕ್ವಿಜ್ ಚಲೊವ್ನ್ ವರ್ಚಿ ಜವಾಬ್ದಾರಿ ಘೆತ್ಲಿ. ಶ್ರೀಮತಿ ಲಿಲ್ಲಿ ಮಾರ್ಟಿಸಾನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಕುಮಾರಿ ಲಯೋಲ್ಲ ಮಾರ್ಟಿಸಾನ್ ಕಾರ್ಯೆಂ ಚಲವ್ನ್ ವೆಲೆಂ. ಗಡ್ದ್ ಕಾಫಿ ಫಳಾರಾ ಸವೆಂ ಫೆಸ್ತಾಚೆಂ ಆಚರಣ್ ಸಂಪ್ಲೆಂ.
ವರ್ದಿ: ಲಿಲ್ಲಿ ಮಾರ್ಟಿಸ್
Popularity: 5% [?]
